Բազմամյա բույս է, պատկանում է ձիթազգիների ընտանիքին: Ծաղիկները բուրավետ են, մանր խողովակաձև, հավաքված են ողկույզաձև ծաղկաբույլում: Ծաղիկները լինում են սպիտակ, բաց և մուգ մանուշակագույն, կարմրավուն: Պսակը հակառակ ձվաձև է, գորշ: Կապտականաչավուն տերևները մինչև ուշ աշուն պահպանում են իրենց գույնը: Եղրևանին լինում է վայրի կամ դեկորատիվ:
Քիմիական բաղադրությունը: Պարունակում է գլյուկոզիդներ, միկրոտարրեր, եթերային յուղեր, ճարպայուղեր, վիտամիններ:
Օգտագործման եղանակները: Բժշկության մեջ օգտագործել են արմատը և ծաղիկները:
Հայկական բժշկության մեջ եղրևանին օգտագործել են մաշկային խալերի, պեպենների, լաքաների, թութքի, ականջի և գլխի խոցերի, քնկոտության, թոքային խողովակախտի, խողովակահեղձուկի, անդամալուծության, դիմային նյարդի կաթվածի, ջղերի կարկամման, նստանյարդի բորբոքման, ձեոքերի կամ ոտքերի դոդալու, կես գլխացավության, մարմնի ընդհանուր թուլության, թարախակալված վերքերի, քաղցկեղի, երիկամների կծիկախտի (նեֆրիտի) բուժման համար:
1. Եղրևանու արմատն այրել, մոխիրը թզի մզվածքով շաղախել և քսել խալերին, սնկերին, պեպեններին, մաշկի բծերին, թութքին դրանց բուժման համար:
2. Եղրևանու ծաղիկներն աղալ, գինու քացախով, կամ վարդի յուղով շաղախել և քսել ականջի կամ գլխի վրա եղած խոցերին` դրանց բուժման համար:
3. 50 գ եղրևանու ծաղիկներն աղալ, 500 գ մեղրով շաղախել և օրը 3 անգամ 1-ական ճաշի գդալ ուտել` երիկամների կծիկախտի բուժման համար:
4. Եղրևանու ծաղիկն աղալ, քամել, մզվածքին հավասար քանակությամբ մանուշակի ձեթ խառնել և օրը 3 անգամ 5-ական կաթիլ կաթեցնել քթանցքները` քնկոտության բուժման համար:
5. 30 գ եղրևանու ծաղկին ավելացնել 0,5 լ ջուր և դնել հանդարտ կրակի վրա, եփել այնքան, մինչև մնա կեսը, ապա քամել, վրան ավելացնել 250 գ մեղր, լավ խառնել և օրը 3 անգամ 2-ական ճաշի գդալ ուտել` թոքային խողովակախտի, խողովակահեղձու- կի բուժման համար:
6. Եղրևանու ծաղիկներն աղալ, լցնել ապակյա ամանի մեջ, վրան ավելացնել ոչխարի յուղ` մինչև դրանց ծածկվելը և 40 օր դնել արևի տակ: Որից հետո վերցնել և քսել անդամալուծված մասին, դիմային նյարդին` դրանք բուժելու համար: Այդ նույն խառնուրդի քսելն օգնում է նստանյարդի բորբոքմանը, ձեռքերի կամ ոտ-քերի դողալուն, մարմնի ընդհանուր թուլությանը և գլխացավին, ինչպես նաև թարախակալված վերքերին և քաղցկեղին:
Ըստ Ամիրդովլաթի, եղրևանու փոխարինողը շուշանն է, հակաթույնը` վարդի յուղը: