ԳՆԱՐԲՈԻԿ - ԳԱՐՆԱՆԱծԱՂԻԿ - ПЕРВОЦВЕТ ЛЕКАРСТВЕННЫЙ

Բազմամյա խոպաբույս է, պատկանում է գնարբուկազգիների ընտանիքին: Արմատը կարճ է, հյութալի, ունի բազմաթիվ բարակ մազարմատներ:
Բույսի ցողունն առանց տերևի է և թեթև խավավորված: Տերևները հավաքված են արմատամերձ վարդաբույլում, թիակաձև են, կոթունավոր: Շաղիկներն աճում են ծաղկակոթունի գագաթին: Բաժակը կազմված է հինգ բաժակաթերթիկից, որոնք իրար միանում են երկար թեթև խավավորված, փքված խողովակով: Պսակը հնգաթերթ է, դեղնագույն: Առէջները հինգն են, կպած պսակային խողովակին: Պտուղը բացվող տուփիկ է` 10 ատամիկներով: Գնարբուկը ծւսղկում է վաղ գարնանից մինչև ամռան կեսերը:
Քիմիական բաղադրությունը: Պարունակում է սապոնիններ, ֆենոլային գլիկոզիդներ` պրիմուլավերին, պրիմվերոզոիդ (պրիվերն), որի տրոհվելուց անջատվում է 0,1-0,25% եթերայուղ, որը պարունակում է մեթիլային էսթեր մետօքսիսալիցիաթթու:
Օգտագործման եղանակները: Բժշկության մեջ օգտագործում են արմատը` մազարմատների հետ միասին:
Ռուսական բժշկության մեջ գնարբուկն օգտագործել են որպես խորխաբեր դեղամիջոց:
Բուլղարական բժշկության մեջ թոքային խողովակախտի, խողովակահեղձուկի, կապույտ հազի, գրիպի, հոդատապի, անքնության բուժման նպատակով:
Ամիրդովլաթը գնարբուկն օգտագործել է հոդատապի, անքնության, ձգձգվող խողովակախտի բուժման նպատակով:
1. 15 գ գնարբուկի չորացած ծաղիկների վրա ավելացնել 250 գ ջուր և թողնել 30 րոպե, հետո քամել և օրը 3 անգամ 50-ական գ խմել` անքնության, նյարդային թուլության բուժման համար:
2. 10 գ գնարբուկի արմատի վրա ավելացնել 250 գ ջուր, 15 րոպե եռացնել, հետո քամել, վրան ավելացնել 50 գ մեղր, լավ խառնել և օրը 3 անգամ խմել թոքային խողովակախտի (բրոնխիտ), թոքային խողովակահեղձուկի (ասթմայի), հոդատապի, գրիպի բուժման համար:
Գնարբուկի պատրաստուկներն ուժեղացնում են լեղարտադրությունը և բարձրացնում ընդհանուր նյութափոխանակությունը: