Բազմամյա խոտաբույս է, պատկանում է վարդազգիների ընտանիքին: Բույսի ցողունն ուղղաձիգ է, խավոտ: Տերևները հերթական են, կտրտված եզրերով: Ներքևից ծածկված են աղվամազով և բաց կանաչավուն են, իսկ վերևից` մուգ կանաչ: Մանր ծաղիկները դասավորված են ցողունի վերևի մասում: Պսակը կազմված է հինգ ձվաձև, դեղին թերթիկներից: Առէջները 5-10 հատ են: Պտուղն ունի ոչ ճիշտ գնդի ձև, կեռ վերջավորությամբ: Ծաղկում Է ամռանը:
Քիմիական բաղադրությունը: Երեսնակը պարունակում Է եթերայուղեր, տանինային նյութեր, կատեխին, կվերցիտին, գալոտանին, գլյուկոզիդային դառը նյութեր, սիլիկատներ, նիկոտինամիդի հետքեր:
Օգտագործման եղանակները: Բժշկության մեջ օգտագործել են բույսի վերգետնյա մասը` առանց ցողունի ստորին հատվածի: Հավաքում են ծաղկելու ընթացքում` հուլիսից մինչև սեպտեմպեր: Երեսնակն ունի թեթև դուրեկան հոտ և ուժեղ կծու համ:
Բուլղարական բժշկության մեջ երեսնակն օգտագործել են լեղաքարային հիվանդության, լյարդի բորբոքումների, դեղնախտի, հոդատապի, լուծի, բերանի խոռոչի բորբոքումների բուժման համար: Հայկական բժշկության մեջ երեսնակն օգտագործել են պարանոցի ուռուցքների, սննդախանգար խոցերի, թարախակալված վերքերի լյարդի և փայծաղի բորբոքային հիվանդությունների, լյարդի դռներա կախտի (պորտային հիպերտենզիայի), ջրգողության, որովայնի ցավերի բուժման համար:
1. Երեսնակն աղալ, այծի ճարպով շաղախել ևքսել պարանոցի վրա եղած ուռուցքներին, սննդախանգար խոցերին, թարախակալված վերքերին` դրանք բուժելու համար:
2. Երեսնակն աղալ, քամել և ստացված մզվածքին հավասար քանակությամբ վարդի մզվածք ավելացնել: Օրը 3 անգամ 100-ական գ խմել` լյարդի և փայծաղի բորբոքային հիվանդությունների, լյարդի դռներակախտի, ջրգողության, որովայնի ցավերի կալցիումական աղերի նյութափոխսւնակման խանգարման բուժման համար:
Ըստ Ամիրդովլաթի, երեսնակի հակաթույնը վարդն Է, իսկ փոխարինողը` օշինդրը: