hayfermer.am
ԹԵՂԻ - ԾՓԻ - ВЯЗЬ - ИЛЬМ - БЕРЕСТ

Կարդացել են՝ 5 331 անգամ
Գնահատել են՝ 1
Պատկանում է թեղազգիների ընտանիքին: Այս բույսի բարձրությունը հասնում է 30 մ-ի, բնի տրամագիծը` 1,5 մ-ի: Պսակը լայնատարած է, վրանաձև: Թեղին ապրում է մինչև 600 տարի: Տերևներն աշնանը ընդունում են դեղին գույն:
Քիմիական բաղադրությունը: Ապրիլի վերջին պտղի մեջ լինում են վիտամին Е, կարոտին: Արմատի մեջ կան դաբաղանյութեր, տերևներում հայտնաբերված է բարիումի սուլֆատ:
Օգտագործման եղանակը: Բժշկության մեջ օգտագործել են տերևները, ճյուղերը: Հայկական բժշկության մեջ թեղին օգտագործել են խոցերի, լսողության վատացման, լսողության օրգանների ուռուցքների, աչքերի սպիտակափառության, ոսկրային հյուսվածքի կոտրվածքների, պեպենների բուժման համար:
1.Թեղու տերևներն աղալ և դնել խոցերի վրա` դրանք բուժելու համար:
2.Թեղու տերևներն աղալ, քամել և մզվածքից օրը 3 անգամ 3- ական կաթիլ կաթեցնել ականջները` խլությունը և լսողական օրգաններում եղած ուռուցքների բուժման համար:
3.Թեղու տերևների մզվածքին ավելացնել մեղր, լավ խառնել և օրը անգամ 1-ական կաթիլ կաթեցնել աչքի մեջ, սպիտակափա- ռությունը բուժելու համար:
4.Թեղու արմատի մի ծայրը դնել կրակի մեջ, իսկ մյուս ծայրը թողնել դուրս եկած ջուրը հավաքել, օրը 3 անգամ 3-ական կաթիլ կաթեցնել խլացած ականջի մեջ` լսողությունը վերականգնելու համար: Բուժումը շարունակել 7 օր:
5.1 կգ թեղու ճյուղերի, տերևների ու արմատի վրա լցնել 7 լ ջուր և այնքան եռացնել, մինչև մնա 1 լ: Մառլյան թրջել դրանով և դնել ոսկրային հյուսվածքի կոտրվածքների վրա` դրանց բուժման համար:
6.Թեղու պտուղ տալու ժամանակ, պտղի վրա լինում է կպչուն գոյացություն: Վերջինս կարելի է քսել դեմքին` պեպեններն անցկացնելու համար:
Տեղեկատվությունը hayfermer.am կայքում կրում է բացառապես ճանաչողական բնույթ, համապատասխան գրականությունը ցանկության դեպքում կարող եք ձեռք բերել գրախանութներից։

Այլ նյութեր