ԵՂԻՆՋ - ԴԱՂԻՉ - ԱՆՃԻՐԱՆ - КРАПИВА

Բազմամյա խոտաբույս Է, պատկանում Է եղինջազգիների ընտանիքին: Արմատը երկար Է, ճյուղավորված և սողացող, ցողունն` ուղղաձիգ, քառակող, ակոսավոր, պատված խիտ այրող մազմզուկներով, տերևները երկարավուն են, ձվաձև, ծաղիկները` մանր, կանաչավուն:
Քիմիական բաղադրությունը: Տերևները պարունակում են վիտամիններ, կարոտինոիդ, գլյուկոզիդ` ուրտիցին, դաբաղանյութեր, մրջնաթթու, պանտոտենաթթու, գալուսովաթթու, 2,5% քլորոֆիլ և տարբեր հանքային աղեր:
Բժշկության մեջ օգտագործում են սերմը, ցողունը, տերևները Ռուսական բժշկության մեջ եղինջն օգտագործել են արգանդի արյունահոսության, դաշտանի խանգարումների, սպիտակ տենդի, Գերմանիայում` հոդատապի և արյունաստեղծ օրգանների, բուլղարական բժշկության մեջ` սակավարյունության, անոթային կարծրախտի, ջրգողության, լեղուղիների բորբոքումների, մաշկային թրմաքոսի, ստամոքսի խիթքի, Փորկապության բուժման նպատակով:
Հայկական բժշկության մեջ եղինջն օգտագործել են ատամնացավի, չարորակ ուռուցքների, լուծի, արյունախխման, գոտկային ցավերի, թոքային խողովակախտի, պոլիպների, գանգրենայի, սննդախանգար խոցերի, փայծաղի և երիկամների բորբոքային հիվանդությունների, միզաքւսրւսյին հիվանդության, ականջաբլթակի ուռուցքի, սրտանոթային անբավարարության բուժման նպատակով:
Օգտագործման եղանակները: Եղինջի սերմը լավ ծեծել և օրը 3 անգամ 1-ական ճաշի գդալ խմել արյունախխման, լուծի, որովայնի սաստիկ ցավերի, գոտկային ցավերի, սեռական թուլության, թոքային խողովակախտի, մարսողական ուղիների խոցերի բուժման համար:
1. Եղինջի սերմը աղի հետ միասին ծեծել և օրը 3 անգամ 1-ական թեյի գդալ խմել` աղիների ուռուցքների բուժման նպատակով: Այդ նույնը կարելի է չիչխանի յուղով շաղախել և քսել ուռուցքներին, սննդախանգար խոցերին:
2. 50 գ եղինջի սերմը լավ ծեծել, վրան ավելացնել 50 գ գինու քացախ և 250 գ մեղր, լավ հարել և օրը 3 անգամ 100-ական գ ուտել` պորտալ հիպերտենզիայի, ջրգողության, որովայնի ուժեղ ցավերի, փայծաղի և երիկամների հիվանդությունների, մի- զաքարային հիվանդությունների բուժման համար:
3. Եղինջի ցողունը տերևների հետ միասին աղալ, վրան ցանել քիչ քանակությամբ աղ, եփել և դնել ականջաբլթակի ուռուցքի վրա` այն բուժելու համար:
4. 500 գ եղինջը 50 գ մատուտակի հետ եփել և օրը 3 անգ՛ամ 100- ական գ ուտել, երիկամների, միզապարկի բորբոքումների և սիրտ-անոթային անբավարարության բուժման համար:
Ըստ Ամիրդովլաթի, եղինջի հակաթույնը վարդազգիների խեժն է: