Բազմամյա խոտաբույս է, պատկանում է նեխուրազգիների ընտանիքին: Բոխնին ունի կարճ, մսոտ, հզոր երկրորդային երկար արմատներ: Ցողունն ուղղաձիգ է, մինչև 1,5 մետր բարձրությամբ, որի հիմքի մասը հաստ է, կլոր, սնամեջ: Բոխնու ստորին տերևները մեծ են, եռամաս, սնամեջ կոթուններով: Ծաղիկները հավաքված են բավականին երկար ծաղկակոթունների վրա: Բոխնին ծաղկում է հուլիս-օգոստոս ամիսներին:
Քիմիական բաղադրությունը: Բոխնու արմատները պւսրունակում են եթերայուղեր, անգելիկաթթու, անգելիցին, օստենոլ, խեժանյութեր, մոմանյութեր, ածխաջրեր: Պտուղը պարունակում է եթերայուղ, ճարպայուղ և կումարին:
Օգտագործման եղանակները: Բժշկության մեջ օգտագործում են արմատները, տերևները և սերմերը: Բուլղարական բժշկության մեջ բոխնին օգտագործել են ստամոքսաղիքային ուղու խանգարման, հիստերիայի, թոքային խողովակախտի բուժման համար:
Ռուսական բժշկության մեջ բոխնին օգտագործում են հոդատապի, հոդացավերի, միզակապության բուժման նպատակով:
Հայ բժշկության մեջ բոխնին օգտագործել Են ստամոքսի գերթթվության, գազերի կուտակման, հոդատապի, թոքային խողովւսկախտի բուժման համար:
Բոխնու արմատն աղալ, 20 գ-ի վրա ավելացնել 200 գ սառը ջուր, թողնել 30 րոպե, հետո քամել և ստացված մզվածքը դնել կրակի վրա եռացնելով 20 րոպե, օրը 3 անգամ 75 գ-ական գ խմել` որովայնափքանքի, ձգձգվող թոքային խողովւսկախտի, ստամոքսի գերթթվության, նյարդային թեթև գրգռումների, հիստերիայի բուժման համար: