Միամյա բույս է, պատկանում է ճրագախոտազգիների ընտանիքին: Ցողունը ուղղաձիգ է, մսոտ, սնամեջ: Ցողունի վրա նստած է շրթնաձև, գորշ կամ մուգ կարմիր գույնի ծաղիկը: Ցողունը ծածկված է տերևներով, որոնք գրկում են ցողունը: Բաժակն ուղիղ է, երկշրթանի, նշտարաձև կամ սուր թիակաձև: Պսակն ունի վառ կարմիր գույն: Յոթ եղբոր արյունը առատորեն աճում է լեռներում և ծաղկում է ամռան Ակզբին:
Քիմիական բադադրությունը: Թարմ բույսը պարունակում է մեծ քանակությամբ ալկալոիդներ, կարմիր գունանյութեր, միկրոտարրեր, ֆիտոնցիդներ:
Օգտագործման եղանակը: Բժշկության մեջ բույսն օգտագործվել է ամբողջությամբ:
Հայկական բժշկության մեջ յոթ եղբոր արյունը օգտագործել են փտախտի (գանգրենա), արցունքագեղձի հիվանդությունների, ուռուցքների, խոցերի, սննդախանգար խոցերի, արյունախխման, արգանդի հիվանդությունների, արյունային լուծի, մարսողական ուղու հիվանդությունների բուժման համար:
1. 20 գ յոթ եղբոր արյան վրա ավելացնել 15 գ հայկավ, 20 գ խունկ, բոլորը միասին աղալ, գինու քացախով շաղախել և օրը 3 անգամ 1-ական թեյի գդալ 100-ական գ դաղձի մզվածքով խմել` ստամոքսաղիքային խոցերի, բորբոքումների, ուռուցքների, բարորակ ուռուցքների, արյունային լուծի բուժման համար;
2. Վերցնել մի փոքր բուրդ, թւսթախել գառնալեզվի մզվածքի մեջ, վրան ցանել 1 գ աղացած յոթ եղբոր արյուն, 1 գ հայկավ, 2 գ այծի աղացած եղջյուր և դնել հեշտոցի մեջ` արգանդի չարորակ ուռուցքների, լորձաթաղանթի քերծվածքների (էռոզիա), խոցերի և բորբոքումների բուժման համար:
3. Յոթ եղբոր արյունը հավասարաչափ խնկի հետ աղալ, ոչխարի յուղով շաղախել և քսել նստատեղի ուռուցքներին, խոցերին, աչքերի բորբոքումներին` դրանց բուժման համար:
4. Յոթ եղբոր արյունը ծովածորանի հետ միասին օրը 3 անգամ 5-ական գ ուտել, արյունախխման, թոքային հյուսվածքի, խոցերի բուժման համար:
Ըստ Ամիրդովլաթի, յոթ եղբոր արյան հակաթույնը ծովածորանն է, որի հետ աճում է այս մակաբույծը: Աոանձին աճող բույսը խիստ թունավոր է: