Բազմամյա խոտաբույս է, պատկանում է աստղածաղկազգիների ընտանիքին: Օշինդրի արմատները առանցքային են, հաստ, քիչ ճյուղավորված, փայտացած; Վերգետնյա մասը բաղկացած է կարճ, անպտուղ ընձյուղներից և բազմաթիվ ուղղաձիգ, շերտավոր, վերևի մասում ճյուղավորված ծաղկակիր ցողուններից: Տերևները կոթունավոր են, երկակի կամ եռակի կտրտված: Տերևների ծայրերը շատ նեղ են, թելանման 3-5 մմ երկարությամբ: Ծաղկւսմոտ տերևները հասարակ են, թելանման: Ծաղկազամբյուղները բազմաթիվ են, ձվաձև, ունեն 3-5 մմ երկարություն և 2 մմ լայնություն: Ծաղիկները երկսեռ են, հնգական: Պսակը կարմրավուն է: Սերմերը ձվաձև են, մոխրագույն: Բույսի վերգետնյա մասն ունի յուրահատուկ հոտ և շատ դառը համ: Ծաղկում է սեպտեմբերին: Սերմերը հասունանում են հոկտեմբեր-նոյեմբեր ամիսներին:
Քիմիական բաղադրությունը: Օշինդրի վերգետնյա մասը պարունակում է ֆլավոնոիդ ակսիլյարոզիդ, տերպենային լակտոններ, տուրեմզին, արտեմին, տաուրին, ինչպես նաև աբիենտոլից և պինենից բաղկացած եթերային յուղ:
Օգտագործման եղանակները: Բժշկության մեջ օգտագործել են վերգետնյա մասը:
Հայկական բժշկության մեջ օշինդր օգտագործել են մազաթափության, գլխի թեփի, լյարդի բորբոքումների, ստամոքսի խանգարման, փայծաղի պնդության, աղեփքանքի, ճիճվակրության, որովայնի խիթքի, սնկերի, ուղեղային կարծրախտի, միզուղիների բորբոքումների, լսողության վատացման, ջրգողության բուժման համար:
1. Օշինդրն աղալ, կաթով եփել և քսել գլխին կամ մաշկին` մազաթափությունը բուժելու համար:
2. կգ օշինդրը քաղել և թողնել մեկ օր, հետո վրան ավելացնել 1 լ ջուր, թողնել 2 ժամ, ապա 20 րոպե եփել: Հետո քամել և հետը խառնել 120 գ մեղր կամ շաքար ե օրը 3 անգամ 50-ական գ խմել` ճիճվակրության, դեղնախտի, լյարդի բորբոքումների, ստամոքսի խանգարման, որովայնի խիթքի, փայծաղի պնդության, աղեփքանքի, ուղեղային կաթվածի, սնկերի, միզուղիների բորբոքումների, ջրգողության բուժման համար:
3. 300 գ օշինդրն աղալ և փոքրիկ պարկով կախել 10 լ գինու մեջ, թողնել ութ օր, որից հետո քամել և օրը 3 անգամ 100-ական գ խմել` ջրգողության, [յարդի, ոչ ջերմությամբ ընթացող հիվանդությունների բուժման համար:
4. 25 գ օշինդրի վրա ավելացնել 250 գ նշի ձեթ և եփել, ապա քամել, վրան ավելացնել մեկ կաթիլ այծի լեղի և օրը 3 անգամ 3-ական կաթիլ կաթեցնել ականջի մեջ` բորբոքումները բուժելու համար: