Պատկանում է պատատուկազգիների (Convolvulaceae) ընտանիքին։ Ամենատարածված, գեղեցիկ ծաղկող, վերմագլցող միամյա բույսերից է, որը նախօրոք կապված թելերին կամ մետաղա լարերին փաթաթվելով բարձրանում է 3—4 մ֊ից ավելի։ Մշակության մեջ այդ ցեղին, պատկանող տեսակներից ամենից շատ հանդիպում է սովորական նունուֆարը (I. purpurea Lam.): Այս տեսակը խիստ արագաճ է, ծաղիկները ձագարաձև են, սպիտակ, մանուշակագույն, վարդագույն երանգներով, ցերեկը փակվում, լուսադեմին բացվում են։
Աշնան ամիսներին և խոնավ եղանակին բացվում են նաև արևի մայրամուտի ժամանակ, հաճախ նաև մինչև մայրամուտ։ Խոշորածաղիկ նունուֆարներից մշակոկթյան մեջ հայտնի է I. grandiflora Hort. տեսակը` խոշոր, սպիտակ ծաղիկներով։
Նունուֆարները օգտագործվում են պատշգամբների, ցանկապատերի և ճաղապատ տաղավարի ուղղահայաց ձևավորումների, համար։ Տնկումը կատարվում է, արևոտ, լուսավոր հողամասերում, ցանքը ուղղակի գրունտում, հիմնական տեղում, փոսիկների մեջ գցելով մի քանի սերմնահատիկ։ Փոսիկների միջև տարածությունը թողնում են 15-18 Լավ է աճում սննդանյութերով հարուստ, պարարտ Հողում Խոնավության նկատմամբ պահանջկոտ է։ Առատորեն ծաղկում է մինչև ուշ աշուն։ Բազմանում է սերմերով։ Սերմերը մեծ մասամբ եռանկյունի են, անկյուններով։ Դրանց մեծությունը տարբեր սորտերի մոտ տարբեր է` սևին տվող կամ բաց դեղնավուն գույներով։ Ծլում է 5—8 օրվա ընթացքում։ Ծղունակությունը պահպանում է 3—4 տարի, մեկ գրամում պարունակվում է մոտավորապես 40 Հատիկ։