ԶԱՐԴԵՆԻ - COSMOS - КОСМЕЯ-КРАСОТКА

Պատկանում Է բարդածաղկավորների ընտանիքին։ Հայրենիքը Մեքսիկան Է։ Միամյա բույս Է, բարձրությունը ըստ տեսակների տատանվում Է 0,4-ից մինչև 1,5 մ-ի սահմաններում։ Գլխավորապես օգտագործվում Է ծաղկային ձևավորումներում (ղևանդներ, խմբավորումներ)։ Բացի դրանից, երբեմն մշակվում Է կտրած ծաղիկներ ստանալու համար։ Ծաղիկները խոշոր են, մեծ մասամբ միաթերթ։ Մշակության մեջ հայտնի են C. bipinnatus Gav. և C. hybridllS Klondike տեսակները։
Առաջին տերևները կրկնակի փետրաձև են և նոսր, որի շնորհիվ սաղարթը թափանցիկ Է։ Բույսի բարձրությունը անցնում 1,5 մ-ից: Աչքի է ընկնում կարմիր, սպիտակ և վարդագույն ծաղիկներով։ C. hybridllS Klondike տեսակի բարձրությունը անցնում է 40 սմ-ից:
Ծաղիկները ծիրանագույն են: Գեղեցիկ ու ներդաշնակ Է խմբերում, Հատկապես արևադեմի կամ կնճռոտ աղավնիճի հետ զուգակցելու դեպքում: Սովորաբար տնկում են բույսը բույսից 30-50 սմ հեռավորության վրա։ Սակավապահանջ է լուսասեր, այդ պատճառով պետք Է տնկել արևոտ հողամասերում:
Բերրի ու սննդանյութերով հարուստ հողերում փարթամ աճ է տալիս, սակայն ծաղկում է ոչ առատ։ Ծաղկում է Հունիսից մինչև ուշ աշուն։ Բազմանում է սերմերով։ Սերմը գորշ շագանակագույն է, բարակ, երկար երբեմն քիչ կորաձևք սուր ծայրով, 8—10 մմ երկարությամբ։ Մեկ գրամում պարունակվում է մոտավորապես 170 հատիկ, ծլունակությունը պահպանում է 3—4 տարի։ Ծլում է 8—10 օրում է Ցանքը կատարվում Է ապրիլ ամսին ջերմոցում կամ ուղղակի բաց գրունտում։