ԲԱՂԵՂ - HEDERA - ПЛЮЩ

Պատկանում է բաղեղազգիների (Araliaceae) ընտանիքին։ Հայրենիքը Հարավային Եվրոպան, Հյուսիսային Աֆրիկան և Ասիան է (Կովկաս)։ Սովորական բաղեղը (Hedera helix L.) մշտադալար բույս է։ Օդային արմատիկների ծծողկառչող հատկության շնորհիվ առանց կողմնակի օգնության կառչում է խոնավ պատերին, ծառերին և բարձրանում վեր։ Իր հայրենիքում նրա երկարություը հասնում է տասնյակ մետրերի։ Բաղեղը իրեն շատ լավ է զգում ամենաստվերախիտ վայրերում և հետևաբար հիանալի կարող է աճել սենյակային պայմաններում։ Իր դիմացկունությամբ և դեկորատիվ առանձնահատկություններով սենյակային փաթաթվող բույսերի մեջ առաջնակարգ տեղ է գրավում։
Տերևներն օվալաձև են, բլթակավոր, ծայրամասերում քիչ սրված, փոքրինչ հաստ են, հյութալի։ Ծաղիկները փոքր են, վարդագույն, աստղաձև, թույլ բուրմունքով։ Հատկապես լավ է զգում զով բնակարաններում։ Վատ չի աճում նաև տաք բնակարաններում։ Վարակվում է լվիճներով։ Անհրաժեշտ է հաճախակի տերևները մաքրել և բնակարանը օդափոխել։ Բնակարաններում լուսամուտների, Հայելիների, պահարանների եզրերը կարելի Է ծածկել բաղեղով, պատրաստել գեղեցիկ կենդանի դրասանգներ։ Բարձրաբուն արալիայի (Aralia Sieboldi) վրա պատվաստված բաղեղներն ամեն կողմից կախվելով ներքև, դեկորատիվ բարձր Էֆեկտեն ստեղծում։ Երևանի հողակլիմայական պայմաններում չի ձմեռում։
Մշակության մեջ բացի սովորական բաղեղից, հանդիպում են խայտաբղետ տերևավոր H. maderensis fol. var և H. hibernica scotica Hort. այլ տեսակները որոնք շատ լավ են աճում սենյակային պայմաններում։ Բազմանում Է կտրոններով, այդ նպատակի համար օգտագործում են մեկ տարեկան շիվերը։ Կտրոններն ավազի մեջ բավական շուտ են արմատակալում, քանի որ բաղեղի ցողունն ընդհանրապես արմատակալելու մեծ հակում ունի։ Պահանջում Է սննդանյութերով հարուստ, բերրի հող, որի հետ անհրաժեշտ Է տորֆահող խառնել։ Բնակարանային պայմաններում խորհուրդ Է տրվում ծաղկամանների հողը ամեն տարի փոխել, յուրաքանչյուր անգամ մեծացնելով ծաղկամանի կամ տակառիկի չափերը։ Ամռանը անհրաժեշտ Է ոռոգել հաճախակի։