Թութը պատկանում է թթազգիների ընտւսնիքին: Արմատն առանցքային է, ճյուղավորված: Լավ զարգացած թթենու բարձրությունը հասնում է մինչև 20 մ-ի, բնի տրամագիծը 80 սմ է, պտղաբույլի տրամագիծը` 2,5 սմ: Պտուղը լինում է տարբեր գույների:
Քիմիական բաղադրությանը: Թթի տերևները պարունակում են վիտամիններ, կարոտիններ: Պտուղը պարունակում է շաքար, գլյուկոզ, ֆրուկտոզ և կիտրոնաթթու: Տերևներում հայտնաբերված են վիտամին C և ճարպայուղեր:
Օգտագործման եղանակը: Բժշկության մեջ օգտագործում են ինչպես պտուղները, այնպես էլ տերևներն ու արմատը: Ամենաօգտակարը սև թութն է:
Հայկական բժշկության մեջ թութն օգտագործել են արյունային լուծի, մորմի կծածի, մարսողական ուղու խանգարումների, անգինայի, ճիճվակրության, սննդախանգար խոցերի, փոշտի ուռուցքների և բորբոքային հիվանդությունների, հազի, թոքային խողովակախտի բուժման համար:
1. Սև թթի տերևներն աղալ, քամել, ստացված մզվածքով բերանի խոռոչը ողողել` նշիկների, բերանի խոռոչի բորբոքային հիվանդությունների բուժման համար: Այդ նույն մզվածքից վերցնել 50 գ, խառնել 30 գ նռան մզվածք և օրը 3 անգամ 20-ական գ խմել` մորմի կծածի, արյունային լուծի, մարսողական ուղու խանգարումների բուժման համար: Այդ նույնը կարելի թրջոցների ձևով դնել սննդախանգար խոցերի վրա` դրանց բուժման համար:
2. Թթի արմատը ջրով եփել և սոված ժամանակ 150 գ խմել` ճիճվակրության համար:
3. Սև թութը քամել և մզվածքը այնքան եփել, որ մնա կեսը: 2լ եփած մզվածքի վրա ավելացնել 1 լ խաղողի գինի և 1 կգ մեղր ու նորից դնել մարմանդ կրակի վրա, այնքան եփել, որ մնա 1/2 մասը, որից հետո վերցնել և օրը 3 անգամ 100-ական գ խմել` կապույտ հազի, ւիոշտի բորբոքային հիվանդությունների և ուռուցքների, ինչպես նաև բերանի խոռոչի բորբոքումների և ուռուցքների բուժման համար:
4. Թթից պատրաստած դոշաբն օգտագործել են հազի, թոքաբորբային խողովակախտի բուժման համար: