ՍԱՌՆԵՆԻ - MESEMBRIANTHEMUM - МЕЗЕМБРИАНТЕМУМ

Պատկանում է դանդուռազգիների (Portulacaceae) ընտանիքին։ Հայրենիքը Հարավային Ամերիկան է (Չիլի, Բրազիլիա)։ Միամյա բույս է, սակայն քանի որ ծածկած գրունտում մի քանի տարի կարող է ապրել, ուստի դասվում է բազմամյաների շարքին։ Բույսի բարձրությունը հասնում է 15-20 սմ֊ի։ Ցողունները և տերևները գետնատարած են, մսալիէ հաստ ու կարճ։ Ծաղիկներր խոշոր են լիաթերթ կամ միաթերթ է սպիտակ, կարմիր, վարդագույն և դեղին գույնի ծաղկեպսակով։ Բացվում են միայն արև ժամանակ։ Բույսը օգտագործվում Է գորգային ձևավորումներում, մեծ մասամբ ծաղկեթմբերի վրա։ Փրփրեմը սովորաբար տնկում են բույսը բույսից 12—15 սմ եռավորոլթյան վրա։ Լուսասեր Է, ստվերում վատ Է աճում։ Հողի նկատմամբ պահանջկոտ չէ, սակայն փարթամ աճ է տալիս և առատորեն ծաղկում է միայն սննդանյութերով հարուստ, բերրի հողերում: Պահանջում է ոռոգման ոչ բարձր նորմա։ Ցանքը ջերմատներում կատարվում է արկղերում կամ կավաթասերի մեջ` փետրվար - մարտ ամիսներին։ Լավ արդյունք է տալիս նաև թաց գրունտում կատարած ցանքը: Փրփրեմի աշնանը թափված սերմերը մյուս տարվա գարնանը ծլում են հիանալի սակայն մի փոքր ուշացումով, տալով առողջ և փարթամ բույսեր։ Սերմը փոքր է, կլոր, փայլուն, գորշ գույնի։ Ծլունակությունը պահպանում է 3 տարի, ծլում է 6—8 օրվա ընթացքում։ Մեկ գրամում պարունակվում է մոտավորապես 10.000 հատիկ։ Փետրվարի վերջերին կամ մարտի սկզբներին ցանած փրփրեմը ծաղկում է հունիսի սկզբից մինչև սեպտեմբերի կեսը։ Տաք և բարենպաստ եղանակի դեպքում ծաղկումը կարող է տևել մինչև սեպտեմբերի վերջը։ Սերմերի հասունացման ժամանակ սերմնատուփի վերին մասի կլոր, գոգավոր կափարիչը դեղնում և վայր է ընկնում, որից սերմերի որոշ մասը թափվում է։ Սերմերի կորուստը կանխելու նպատակով դրանք պետք է հավաքել հաճախակի, նախքան պտղի կափարիչի անջատվելը։ Փրփրեմը շատ լավ բազմանում է նաև կտրոններով, որոնք ավազի մեջ արմատակալում են մոտավորապես 15 օրվա ընթացքում։ Արմատակալումից 15 օր հետո կտրոնները կարելի է փոխադրել բաց գրունտ։ Մշակուկթյան մեջ տարածվում է խոշորածաղիկ փրփրեմը (Por. grandiflora Hook.), որի բարձրությունը հասնում է 15-20 սմ֊ի։