Պատկանում է բարդածաղկավորների ընտանիքին։ հայրենիքը հարավային Աֆրիկան է։ Կլեյնիայի ցողունը և տերևները մսոտ են, ունեն թխակապույտ գույն։ Բույսի բարձրությունը տատանվում Է 50-60 մինչև 2 մ֊ի սահմաններում։ Տարբեր տեսակների տերևների ձևը տարբեր է տափակ, կլոր, երկարավուն և այլն։ Սողացող կլեյնիայի (K․ repens) և կլեյնիա կանեսցենսի (K․ canescens) տերևները հաստ, մսոտ, երկարավուն և կլոր են, ծայրի և կոթի կողմերը սրված։ Առաջինի տերևները փոքր-ինչ ավելի երկար են, թփի բարձրությունը հասնում Է 50— 60 սմ-ի։ Ճփնատերև կլեյնիայի (K. nerifolia) ցողունի բարձրությունը անցնում Է 2 մ֊ից։ Տերևները նշտարաձև են։ ճյուղերը ցողունի վրա դասավորված են օղակաձև խմբերով։ Ամբողջ բույսը գորշագույն է, ծածկված մանր կետերով և երկարավուն մութ շերտիկներով։ հայրենիքը Կանարյան կղզիներն է։ Օգտագործվում է որպես սենյակային բույս։ Մշակության մեջ ամենատարածված տեսակներից են սողացող կլեյնիան (K․ repens Haw.), թաղկավորը (K․ tomentosa Haw.) և փայլուն կլեյնիան (K․ fulgens Hook.), որն ունի փայլուն, կարմիր ծաղիկներ։ Որպես տաք երկրի բույս ձմռանը պահում են ջերմատնում, թաղարների կամ սածիլման խոր արկղերի մեջ, 10—15° ջերմության պայմաններում։ Կտրոններով կարելի է բազմացնել տարվա բոլոր եղանակներին, միայն թե անհրաժեշտ է ջերմատանը ունենալ տաք, լուսավոր և բավական չոր անկյուն։ Ձմռանը կամ վաղ գարնանը ջերմատներում կտրոնները պետք է տնկել բազմացման արկղերում, մաքուր լվացված ավազի մեջ և ամբողջ մի շաբաթ թողնել առանց ջրելու, որից հետո ջուրը տալ շատ քիչ, այն հաշվով, որ պահպանվի բույսիտուրգորը (բջջի լարված վիճակը)։ Ավելորդ խոնավության դեպքում բույսը կամ կտրոնը անմիջապես նեխում է։ Ամռանը բազմացնելիս կտրոններն անհրաժեշտ է տնկել ավազում, սածիլման արկղերի մեջ։ Երևանի պայմաններում դրանք կարելի է թողնել դրսում ստվերում։ Նոր արմատ ակալած կտրոններն օգտագործվում են եզրագծեր և ժապավեններ պատրաստելու համար։ Լավ աճում և իր դեկորատիվ առանձնահատկությունները լիովին հանդես Է բերում միայն այն դեպքում, երբ տնկում են հողամասի արևոտ ու լուսավոր մասերում։ Նախընտրում Է փափուկ, միջակ սննդարար հողերը։ Բույսը բույսից պետք Է տնկել 7—9 սմ հեռավորության վրա։