ՀԱԶԱՐԱՏեՐԵՎՈՒԿ - ТЫСЯЧЕЛИСТНИК

Հազարատերևուկը բազմամյա խոտաբույս է, պատկանում է աստղածաղկազգիների ընտանիքին: Բույսն ունի կանգուն, ակոսավոր, սպիտակ, մինչև 70 սմ բարձրության ցողուններ, տերևները հարթ են, գծային, բաժանված երեք սրածայր մասի: Վերին տերևների սեգմենտները կարճ են, ատամնաձև, խմբված խիտ, վահանաձև ծաղկաբույլերով: Ծաղկոցը համարյա մերկ է, ծաղկաթերթերը շատ կարճ են երկարավուն, եռանկյունաձև, ապակենաման թաղանթային եզրերով: Լեզվակները ղեղին են, եռաբլիթ, սկավառակից մի քիչ երկար: Հազարատերևուկը հազվադեպ է լինում ճյուղավոր: Ուղղաձիգ ցողունով վեր է բարձրանում և միայն ցողունի գագաթին ունենում է մի քանի ճյուղեր, որոնց վրա բացվում են ծաղկազամբյուղները` բարձրադիր, սպիտակ ծաղիկներով:
Քիմիական բաղադրությունը: Հազարատերևուկը պարունակում է եթերային յուղ, որի կազմի մեջ է մտնում ագուլենը, դառը նյութեր, ախիելին, տանին, ասպարգին, ինչպես նաև` ճարպայուղ:
Օգտագործման եղանակը: Բժշկության մեջ օգտագործում են հազարատերևուկի ցողունը, տերևները և արմատը:
Բուլղարական բժշկության մեջ հազարատերևուկն օգտագործել են ստամոքսախիթքի, ներքին արյունահոսության, թութքի, թարախակալված վերքերի, բերանի խոռոչի բորբոքումների բուժման համար:
Հայկական բժշկության մեջ հազարատերևուկն օգտագործել են մարսողական ուղու խոցերի, բորբոքումների, ներքին արյունահոսությունների, արյունային լուծի, թութքի, հաստ աղիքի լորձաթաղանթի բորբոքումների, դիզենտերիայի, սննդախանգար խոցերի, թարախակալված վերքերի ու թունավորումների բուժման համար:
1. Հազարատերևուկը լվանալ և օրը 4-5 անգամ 5-ական գ ուտել` ներքին արյունահոսությունները, ստամոքսի և աղիքների խոցերը, արյունային լուծը, դիզենտերիան, թութքը, թունավորումները բուժելու համար: Այդ նույն հիվանդությունների ժամանակ կարելի է հազարատերևուկը աղալ, քամել և մզվածքից 1-ական ճաշի գդալ խմել` օրը 4-5 անգամ:
2. 200 գ հազարատերևուկն աղալ, վրան լցնել 1 լ գինու քացախ, թողնել 6 ժամ, հետո թրջոցների ձևով դնել սննդախանգար խոցերի, թարախակալված վերքերի, թութքի, փտախտի (գանգրենա) վրա` դրանց բուժման համար:
3. 100 գ աղացած հազարատերևուկին ավելացնել 1 լ կաթ, թողնել 24 ժամ, խմել` բոլոր տեսակի թունավորումները բուժելու համար: