ԲԱԶՈՒԿ - ՃԱԿՆԴԵՂ - СВЕКЛА

Բազուկը լինում է միամյա կամ երկամյա: Պատկանում է թելուկազգիների ընտանիքին: Արմատային համակարգը բաղկացած է հաստացած գլխավոր արմատից և բարակ արմատային ճյուղավորումների խիտ ցանցից, որոնք գլխավոր արմատից հեռանում են շաքիլատերևների ուղղությամբ և թափանցում են հողի մեջ` մեծ խորությամբ, մինչև 2,5 մ, իսկ լայնությամբ` 40-50 սմ: Արմատը կոնաձև է, երկարավուն և որոշ չափով կողքերից սեղմված: Տերևները խոշոր են, ամբողջական, կոթունավոր: Տերևների հիմքի մոտ տեղավորված են պտղաբերող բողբոջները, որոնցից երկրորդ տարում կազմվում են ծաղկակիր ընձյուղները: Շաղիկները երկսեռ են, կանաչավուն, ծւսղկապատյանով, հնգատիպ, տեղավորված են ցողունի ամբողջ երկարությամբ` կողքային ճյուղավորությունների տերևածոցերում` խմբերով, ոչ մեծ փնջերի ձևով` առաջացնելով ծաղկաբույլ: Պտուղը ընկույզիկ է, փխրուն, փայտացած հյուսվածքներից կազմված պտղապատյանով, սերմն ունի գորշ, փայլուն թաղանթ:
Քիմիական բաղադրությունը: Արմատը պարունակում Է թաղանթանյութեր, պեկտինային նյութեր, սպիտակուցներ, ֆրուկտոզ, գլյուկոզ, ազոտային նյութեր:
Օգտագործման եղանակը: Բժշկության մեջ օգտագործել են բույսի տերևներն ու արմատը:
Հայկական բժշկության մեջ օգտագործվել է ուռուցքների, աղիքների խիթքի, գոտկային ցավերի, մաշկային ցաների, այրվածքների բուժման նպատակով:
1. Բազուկը խորովել, աղալ և դնել ուռուցքների վրա` դրանց բուժման համար:
2. Բազուկն աղալ, քամել և ստացված մզւխյծքով միկրոհոգնաներ անել` գոտկային ցավերի, աղիքային խիթքի բուժման համար:
3. Բազուկը եփել և ուտել` մաշկային ցանը բուժելու համար: