Բազմամյա խոտաբույս է, պատկանում է սրոհունդազգիների ընտանիքին: Արմատն առանցքային Է, խիստ ճյուղավորված, ցողունը մերկ է, հարթ` երկկողմանի ճյուղերով: Տերևները հակադիր են դասավորված, ամբողջաեզր են և թեթևակի ոլորված: Ծաղիկները հավաքված են ճյուղերի գագաթներին: Բաժակը կանաչ է, հնգաթերթ, որոնք հազվադեպ են լինում սև կետերով: Պսակը ոսկեդեղնավուն է, հնգաթերթ: Պսակաթերթերը էլիպսաձև են, վերևում` թեք կտրված, եզրերին` սև կետերով: Առէջները բազմաթիվ են, երեք փնջով: Պտուղը երկարավուն, ձվաձև, եռաբուն, բազմասերմւսնոց տուփիկ է: Սերմերը շատ մանր են, երկարավուն, մուգ գորշագույն: Ծաղկում է հունիս-օգոստոս ամիսներին:
Քիմիական բաղադրությունը: Վերգետնյա մասը պարունակում է տանինային նյութեր` կատեխինային խմբից: Հիպերիզիդ, հիպերիցին, փսևդոհիպերիցին, կարոտին, եթերայուղ, դաբաղանյութեր, խեժանյութեր, ասկորբինաթթու և նիկոտինաթթու:
Օգտագործման եղանակները: Բժշկության մեջ օգտագործել են սրոհունդի ծաղիկները և վերգետնյա մասը` ծաղկելուց առաջ:
Բուլղարական բժշկության մեջ սրոհունդն օգտագործել են ստամոքսահյութի թթվայնության բարձրացման, հոդատապի, նստանյարդի բորբոքման, հոդացավերի, պալարախտի, թութքի, դաշտանի խանգարման, արյունահոսող վերքերի, լուծի, ստամոքսաղիքային ուղու բորբոքումների և խոցերի, լյարդի, լեղապարկի, երիկամների բորբոքումների և մաշկային հիվանդությունների բուժման համար:
Հայկական բժշկության մեջ սրոհունդն օգտագործել են բոլոր տեսակի բորբոքային հիվանդությունների, մաշկային հիվանդությունների բուժման համար:
1. 20 գ. սրոհունդը մանրացնել, ավելացնել 200 մլ ջուր և 15 րոպե եռացնել, որից հետո քամել և օրվա ընթացքում խմել կումերով` լուծի, դիզենտերիայի, ստամոքսաղիքային ուղու խոցերի և բորբոքումների, պալարախտի, թոքային խողովակախտի, նշիկների բորբոքումների, հոդատապի, նստանյարդի բորբոքման, դաշտանի խանգարման բուժման համար:
2. 30 գ. սրոհունդի թարմ ծաղիկների վրա ավելացնել 200 գ ձիթապտղի կամ ւսրևածաղկի յուղ և թողնել 15 օր: Այդ ընթացքում ժամանակ առ ժամանակ թափահարել, ստացված յուղային խառնուրդը կունենւս արյունակւսրմիր գույն: Քամելուց հետո այն քսել սննդախանգար խոցերին, թարախակալված և արյու-նահոսող վերքերին, մաշկային ցաներին, բշտիկներին, այրվածքներին, խալերին, պեպեններին` դրանց բուժման համար: