Միամյա խոտաբույս է, պատկանում է աստղածաղկազգիների ընտանիքին: Երիցուկի ցողունն ուղղաձիգ Է, վերևի մասում` ճյուղավորված, տերևները երկակի կամ եռակի մասնատված, նեղ, գծային, սրածայր վերջույթներով: Շաղիկները երկարակոթուն են, պւստիճազւսմբ- յուղը կազմված Է բութ եզրերով ժապավենաձև տերևիկներից: Եզրային ծաղիկները սպիտակ են, եռատամանի, ներսային ծաղիկները խողովակաձև են, դեղին, երկսեռ, կազմված հնգատամանի պսակից: Զամբյուղը կոնաձև Է: Շաղկում Է գարնան վերջից մինչև ամռան կեսերը:
Քիմիական բաղադրությունը: Պարունակում Է եթերային յուղեր, որոնցից են խամւսգուլենը, դառը նյութեր, ֆլավոնովային գլիկոզիդ` ապինին, դիօքսիկումարին, ումբելիֆերոն, խոլին, խեժանյութեր, ֆի- տոստերին, կումարին, օրգանական թթուներ, պոլիսախարիդներ:
Օգտագործման եղանակները: Բժշկության մեջ օգտագործել են տերևները և ծաղիկները: Ամենաօգտակարը ծաղկած երիցուկն է:
Ռուսական բժշկության մեջ երիցուկն օգտագործել են հաստ աղի֊ քի, լորձաթաղանթի բորբոքումների, աղեփքանքի բուժման համար:
Բուլղարական բժշկության մեջ երիցուկն օգտագործել են ստւսմոք- սախոցի, ստամոքսի լորձաթաղանթի սուր և քրոնիկ բորբոքումների, փորկապության, ցավոտ դաշտանի, լուծի, արգանդի արյունահոսության, ձգձգվող վերքերի բուժման համար:
Հայկական բժշկության մեջ երիցուկն օգտագործել են ուռուցքների, լյարդի բորբոքային հիվանդության, որովայնի սաստիկ ցավերի, արցունքահոսության, նյարդային համակարգի բորբոքումների, միզակապության բուժման համար:
1. Երիցուկն աղալ, նշի ձեթով ու մեղրով շաղախել և քսել ամբողջ մարմնին` մկանային ցավերի բուժման համար:
2. Երիցուկի ձեթը օրը 2 անգամ 1-ական թեյի գդալ խմել` որովայնի սաստիկ ցավերի, լյարդի բորբոքումների, ուռուցքների, արցունքահոսության, նյարդային համակարգի բորբոքումների բուժման համար:
3. Երիցուկը գինու քացախով և ջրով եփել և ցավոտ ականջը կամ աչքը պահել այդ գոլորշու վրա:
4. Վերցնել 2 կգ երիցուկ, աղալ, վրան ավելացնել 4լ եռացրած ջուր և լոգանք ընդունել` միզաքարային հիվանդության բուժման համար (ըստ Ամիրդովլաթի):
Երիցուկի փոխարինողը սամիթն է, հակաթույնը` վարդի յուղը կամ մեղրը:
Երիցուկը հակացուցված է ջերմությամբ ընթացող հոդացավերի ժամանակ: