Փասյան - Ադամանդյա  Алмазный фазан լատիներեն Chrysolophus amherstiae
Մոտ ազգական է համարվում ոսկյա փասյանին։ Տարածված է Ասիայում ապրում է սարահարթերում 2000-ից 3000մ բարձրության վրա:  Առանձին վայրերում օրինակ հարավային Չինաստանում եւ Տիբեթի արեւելյան սարահարթերում հանդիպում է ծովի մակեևույթից 4600մ բարձրության վրա։ Այս թռչունները բնակություն են հաստատում խիտ փշատերևավոր թփերի բամբուկավոր անտառներում։ Ձմռան ամիսներին սաստիկ ցրտից պատսպարվելու նպատակով տեղափոխվում են ավելի բաց դաշտեր, արևի շողերից տաքանալու նպատակով։ Անգլիայում այս թռչունները նախընտրում են բնակվել եղեվնածածկույթ անտառներում, որտեղ իրենց բույնը ստեղծում են եղեվնու թփերի տակ։ Սնվում են բույսերով և միջատներով։ Չինաստանում այս թռչունը հայտնի է բամբուկի ծիլեր ուտելով։ Ինչպես այս ընտանիքի մյուս ներկայացուցիչները այս տեսակը նույնպես ընտելանում է տնային պայմաններին։ Տնային պայմաններում պահելուց, պարզվել է, որ թռչունը ընտելանում է բոլոր տեսակի ուտելիքների՝ հացահատիկների և սերմերի։ Հայկական դեկորատիվ թռչնաբույծները օգտվում են նաև կոմբինացված կերերից։ Թռչնի գլուխը սև գույն է, կատարը կարմիր, մեջքը և թևերը մուգ կանաչ։ Մարմնի ստորին մասը  սպիտակ է, մանյակը եւ  պոչը սպիտակ՝ սեւ շերտերով:  Ազդրամասը ոսկե-դարչնագույն է։ Ադամանդյա փասյանը արժեքավոր թռչուն է և  հայտնի է իր  դեկորատիվ բուծմամբ: Զույգավորման ժամանակ արուները սկսում են շատ գեղեցիկ պարից, բացում են սև և սպիտակ օձիքը։ Էգի շուրջը կատարում են մի քանի պտույտ և թռնում էգի վրա այնքան մոտ, որ գրեթե գլուխները կպնում են իրար։ Ադամանդյան փասյանը ածում է մոտ մոխրասպիտակավուն 20 ձու ։ Բույնը գետնի վրա փորված փոքրիկ փոսիկ է՝ ծածկված խոտերով։ 22-23 օր ձվերի վրա նստելուց հետո ձագերը դուրս են գալիս։ Նորածին ձագերը պատված են լինում թանձր բմբուլիկներով, շատ ակտիվ վազում են և առաջին իսկ օրվանից սկսում են ինքնուրույն կեր փնտրել։