ՖՈՒՔՍԻԱ - FUCHSIA - ФYКCИЯ

Պատկանում է ապուզանազգիների (Onagraceae) ընտանիքին։ Հայրենիքը Միջին և Հարավային Ամերիկան, Նոր Զելանդիան և Արևմտյան Հնդկաստանն է։ Գեղեցիկ բույս է։ Բարձր է գնահատվում ծաղիկների և գունեղ տերևների շնորհիվ։ Օգտագործվում է թե ծաղկային ձևավորումներում և թե բնակարաններում։ Դեկորատիվ ծաղկագործության մեջ մեծ մասամբ օգտագործվում են F. golden flesce, F. g. treasure և F. Meteor կարճահասակ սորտերը, որոնք ստացվել են F, hybrida Hort.-ից։ Առաջին երկուսի տերևները դեղին ոսկեգույն են, իսկ վերջինինը դեղին բրոնզափայլ կարմրավուն ջղացանցով։
Բացի թվարկած բույսերից, Երևանի պայմաններում ծաղկային ձևավորումների համար մեծ արժեք են ներկայացնում նաև F. koralle և F. perle֊ ֆուքսիաները։ Դրանցից առաջինը նարնջագույն, իսկ երկրորդը` վարդագույն ծաղիկներով դեկորատիվ բույսեր են։ Հրաշալի աճում և առատորեն ծաղկում է կիսաստվերում, որը հնարավորություն է տալիս այդ բույսերը օգտագործել ծաղկային այնպիսի ձևավորումներում, որտեղ արեգակի ճառագայթները դժվարությամբ են թափանցում։
Ֆուքսիայի բազմացումը կատարվում է ջերմատներում կտրոնների միջոցով։ Արմատակալած կտրոնները տնկում են 7 սմ֊անոց թաղարների մեջ և խնամում մինչև գրունտում տնկելը, նախօրոք դրսի պայմաններին ընտելացնելուց Հետո։