ԳԱՅԼԱԹԱԹ-ԱՐԾԱԹԱԽՈՏ - МАНЖЕТКА

Բազմամյա խոտաբույս է, պատկանում է վարդազգիների ընտանիքին: Ցողունն ուղղաձիգ է, ճյուղավորված: Ներքևի տերևները երիկամաձև են, խորը, համարյա մինչև կեսը ճեղքված և բաժանված 7-9 թիակների, որոնց եզրերը ատամնավոր են: Ցողունային տերևները կարճակոթուն են կամ նստադիր: Տաղիկները դեղնականաչավուն են, մեծ քանակությամբ հավաքված շինծու հովանոցում: Պսակ չունի: Բաժակը կազմված է չորս բաժակաթերթերից: Արտաքին զույգ բաժակա-թերթերը երկու անգամ կարճ են ներսայիններից: Առէջները չորսն են, վարսանդը` մեկը, ծաղիկները մեծ մասամբ իգական են, մաքուր: Գայլաթաթը ծաղկում է հունիսից մինչև սեպտեմբեր:
Քիմիական բաղադրությանը: Տերևները պարունակում են տանիններ և ֆիտոնցիդներ:
Օգտագործման եղանակները: Բժշկության մեջ օգտագործել են գայլաթաթի տերևները.
Բուլղարական բժշկության մեջ գայլաթաթն օգտագործել են սպիտակ տենդի, թարախակալված վերքերի, փոքր կոնքի շրջանի ցավերի, բուռն դաշտանի, ստամոքսի խիթքի և լուծի բուժման նպատակով: Հայկական բժշկության մեջ գայլաթաթն օգտագործել են լուծի, ստամոքսի խիթքի, բուռն դաշտանի, փոքր կոնքի շրջանի ցավերի, կոպերի բորբոքումների, թարախակալված վերքերի, քթի արյունահոսության, ստամոքսախոցի արյունահոսության բուժման համար:
20 գ գայլաթաթի տերևի վրա ավելացնել 300 գ եռացրած ջուր, թողնել մեկ ժամ, հետո քամել և օրը 3 անգամ 100-ական գ խմել` ստամոքսի խիթքի, լուծի, փոքր կոնքի ցավերի, ստամոքսախոցի արյունահոսության բուժման համար: Արգանդի բուռն արյունահոսության դեպքում այդ նույն պատրաստուկից 100 գ լցնել հեշտոցը` արյունահոսությունը դադարեցնելու համար: Քթի արյունահոսության դեպքում տամպոնները թրջել պատրաստուկի մեջ և դնել քթանցքները` արյունահոսությունը դադարեցնելու համար: