Բազմամյա խոտաբույս է, պատկանում է բարդածաղկավորների ընտանիքին: Արմատը թեք է աճում, դարչնագույն է, քիչ մազմզուկներով: Ցողունն ուղղաձիգ է, ծածկված կարմրավուն գեղձերով: Արմատամերձ տերևներն առաջացնում են ձվանման վարդաբույլ` ամբողջական եզրերով: Ցողունային տերևները (եթե կան) նստադիր են, երկարավուն, սրածայր, ծաղկաողկույզները նարնջադեղնավուն են, լեզվանման, ծաղկափոշեկիր, իսկ ներսայինները` խողովակաձև, երկսեռ: Մինչև ծաղկելը ծաղկազամբյուղները փքված են, մազակալված: Ծաղկում է մայիս-հունիս ամիսներին: Շաղիկները բուրավետ են, դառնավուն:
Քիմիական բաղադրությունը: Ծաղկազամբյուղը պարունակում է եթերայուղեր, խոլին, արնիցին, ցինարին, տանիններ, տրիմեթիլամին, բետաին, լուտեին և կարոտինային ներկանյութեր:
Օգտագործման եղանակները: Բժշկության մեջ օգտագործվել են ծաղկազամբյուղները, առանց ծաղկակալի:
Բուլղարական բժշկության մեջ եզան աչքն օգտագործել են ջերմության բարձրացման, մազարմատների բորբոքումների, քթի և արգանդի արյունահոսությունների, կրծքահեղձուկի և խոլեստերինային փոխանակման խանգարումը բուժելու համար:
Հայկական բժշկության մեջ եզան աչքն օգտագործել են ներքին արյունահոսությունների, թարախակույտերի, մազարմատների բորբոքումների, ուռուցքների, սրտային կրծքահեղձուկի և թունավորման բուժման համար:
1. Վերցնել 15 գ եզան աչքի ծաղկազամբյուղները, վրան ավելացնել 250 գ եռացրած ջուր, թողնել 2 ժամ, քամել և օրը 3 անգամ 10-ական գ խմել` սրտային կրծքահեղձուկի և ներքին արյունահոսության բուժման համար:
2. Վերցնել 20 գ եզան աչք, սսղւսլ, վրան աւ[ելացնել 300 գ եռացրած ջուր, թողնել 3 ժամ, որից հետո թրջոցների ձևով դնել թարախակույտերի, մազարմատների բորբոքումների վրա:
3. Եզան աչքն աղալ, մեղրամոմով ու կարագով շաղախել և քսել ուռուցքներին: Այդ նույն պատրաստուկը կարելի է քսել գլխին` գլխւսցավի բուժման համար: