ԵՐԻՑՈՒԿ (ՕՇՈՇ) - PYRETHRUM - CHRYSAHTHEMUM - ПИРЕТРУМ

Պատկանում է բարդածաղկավորների ընտանիքին։ Հայրենիքը Հյուսիս-արևմտյան Եվրոպան է։ Երիցուկը (Chrysanthemum parthenium Pers.) բազմամյա բույս է, սակայն դեկորատիվ ծաղկեգործության մեջ օգտագործվում է որպես միամյա։ Շատ հին ժամանակներից այգեգործներին հայտնի է որպես P․ parthenifolium Hort., որի այլ տեսակներից է ոսկեգույն տերևավոր երիցուկը (P․ p. aureum Hort․)։ Ծաղիկները սպիտակ են, այդ պատճառով էլ հմուտ ծաղկեգործները դրանք կտրում հեռացնում են, որպեսզի բույսի դեղին ոսկեգույն ընդհանուր տեսքը չկորչի։ Բարձրությունը հասնում է մինչև 30 սմ-ի։
Ծաղկային ձևավորումներում օգտագործվում է եզրագծեր պատրաստելու համար։ Տնկումը կատարվում է 8—10 սմ միջբուսային տարածությամբ։ Շատ լավ է տանում խուզումը, որի շնորհիվ ստացվում են հիանալի ժապավեններ։ Անհրաժեշտ է առատորեն ոռոգել քանի որ խոնավության պակասի դեպքում բույսը խիստ կերպով գցում Է իր դեկորատիվությունը։ Լուսասեր Է։
Բազմացվում Է սերմերով։ Երևանի պայմաններում ցանքը ջերմատներում կատարվում Է հունվար - փետրվար ամիսներին ցանք արկղերի կամ կավաթասերի մեջ։ Խնամքի աշխատանքները նույնն են, ինչ որ մյուս միամյաներինը։
Սերմերը ծլում են 8—10 օրվա ընթացքում, շատ փոքր են, երկարավուն, սեպաձև, բաց գորշագույն, մեկ գրամում պարունակվում Է մոտավորապես 6000 հատիկ։ Ծլունակությունը պահպանում Է 4—5 տարի։
Բացի վերը նշված այլ տեսակից (P․ p. aureum Hort․), մշակության մեջ հանդիպում են կտրվածքատերևավոր (P. p. alaciniatum), կոմպակտ (P. p. a. discoidum) և այլ ձևերը։ Վերջինիս ծաղիկների գույնը դեղին է, նման է տերևների գույնին։