GERBERA - ГЕРБЕРА

Պատկանում է բարդածաղկավորների Compositae ընտանիքին։ Բազմամյա բույս է, սակայն Երևանի պայմաններում երբեմն բաց գրունտում ցրտահարվում է։ Եթե վաղ աշնանային ուժեղ ցրտահարություններից հետո բույսի վերերկրյա մասերը ոչնչանում են, ապա անհրաժեշտ է դրանք հավաքել և հեռացնել, որից հետո բույսերը ծածկել գոմաղբի 10—15 սմ հաստությամբ շերտով կամ թափված տերևներով։ Բազմանում է սերմերով և թփիկի բաժանումով։ Սերմեր ստանալու նպատակով հաճախ արհեստական փոշոտման կարիք է զգացվում, որովհետև նույն ծաղկի առէջքների փոշին ավելի շուտ է հասունանում, քան վարսանդը, որի համար կարիք է զգացվում դրանց փոշին վերցնել ու բեղմնավորել վաղ ծաղկած ծաղիկների վարսանդիները։
Մեկ ծաղկաբույլից ստացվում է 50—60 հատ սերմ, իսկ մեկ գրամում պարունակվում է մոտավորապես 250 հատիկ։ Հաճախ սերմերով բազմացնելիս ստացվում են ոչ ցանկալի անհատներ։ Այդ պատճառով էլ գերբերան բազմացվում է վեգետատիվ ճանապարհով՝ բույսի բաժանումով։ Սերմերով բազմացնելիս ցանքը կատարվում է ջերմատանը հունվար-փետրվար ամիսներին, ցանքարկղերի կամ կավաթասերի մեջ։ Աերմերը ծլում են 7—10 օրվա ընթացքում։ Ցանքից աճած բույսերը նախասածիլում են արկղերի մեջ, որտեղից Էլ հետագայում փոխադրում են դաշտ և տնկում մշտական տեղում՝ 35—40 սմ միջբուսային տարածությամբ։
Վեգետատիվ բազմացումը կատարվում է գարնանը՝ նախօրոք պիտակավորված երկու տարեկան բույսերի բաժանումով այդ դեպքում մեկ բույսից կարելի է ստանալ 4—6 հատ բուսակ, իրենց առանձին-առանձին արմատներով և 4—6 հատ տերևներով։ Բուսակները տնկելիս թե՛ արմատները, և թե՛ տերևները 1/3-ի չափով պետք է կտրել կարճացնել։ Վարակ չտարածելու նպատակով, ամեն մի նոր թուփ բաժանելիս դանակն անպայման պետք է ախտահանել։ Ավելի շատ տնկանյութ ,ստանալու համար բաժանվող ամեն մի բուսակի վրա կարելի է թողնել երկուական տերև և մի փոքր կոճղարմատ՝ իր արմատներով։ Գրունտում տնկելիս ջերմոցի հողը պետք է պատրաստել 20 սմ խորությամբ, լցնելով հետևյալ հողախաունուրդը՝ 2 մաս բանջարանոցային հող, 1 մաս տերևահող և 1 մաս ավազ։ Բույսեբը պետք է տնկել 10x10 սմ տարածությամբ և մինչև լավ արմատակալելը, ստվերացնել։ Արմատակալելուց հետո դրանք կարելի է փոխադրել ջերմատուն, գրունտում կամ դարակների վրա, տնկելով 25—30 սմ հեռավորությամբ։
Գերբերայի բարձրությունը Երևանի պայմաններում հասնում է 80—90 սմ-ի։ Լուսասեր է լավ է աճում արևոտ, տաք հողամասերում։ նախընտրում է միջին բերրիության հողերը։ Պահանջում է առատ և հաճախակի ոռոգում։ Ծաղիկները խոշոր են, 5—10 սմ տրամագծով, բազմերանգն սպիտակ, կարմիր, բաց վարդագույն, դեղին և այլն, գեղեցիկ են, նման են երիցուկի ծաղիկներին։ Ծաղկումը սկսվում է գարնանից և տևում մինչև աշուն։ Ծաղկակոթի երկարությունը հասնում է 40-60 սմ֊ի։ Ծաղիկը կտրված վիճակում ջրի մեջ կարող է դիմանալ 10—15 օր։ Բացի ծաղկեփնջերում օգտագործելուց, օգտագործվում է նաև ծաղկային ձևավորումներում, միքսբորդերներում, ղևանդներում, մարգախոտերի ֆոնի վրա, զանազան խմբավորումներում և այլն։