Պատկանում է բարդածաղկավորների ընտանիքին։ Բազմամյա աստղածաղկի մի քանի տարաբաժան պարտեզային խմբավորումներն առաջացել են Aster-ի վայրի տեսակներից, որոնք հիմնականում տարածված են հյտւսիսային Ամերիկայի Ատլանտյան ափերում և Ասիայում։ Վայրի աստղածաղկի մի քանի տեսակներ դեկորատիվ այնպիսի արժանիքներով են օժտված, որ մշակության մեշ օգտագործվում են նույնիսկ նրանց նախնական բնական ձևերը։ Երևանի պայմաններում նոր անգլիական և նոր բելգիական աստղածաղիկները կարող են ձմեռել բաց գրունտում, առանց ծածկոցի։
նոր անգլիական (A․ Novae angliae L.) աստղածաղկի բարձրությունը հասնում է մոտավորապես 2 մ-ի, ունի խոշոր, բազմերանգ ծաղիկներ։ Նոր բելգիական աստղածաղկի (A. Novae belgiae Lam.) բարձրությունը 1,5 մ է։ Այս տեսակը մեղրատու է և մեր պայմաններում մեղուները աշնանը կարող են մեղրի լավ բերք հավաքել։ Ծաղիկները վառ մանուշակագույն են և այնքան խիտ դասավորված, որ նույնիսկ ծածկում են բույսի կանաչ մասերը։ Երկու տեսակներն էլ ծաղկում են աշնան սկզբներին։ Վաղ ծաղկող տեսակներից աչքի է ընկնում ալպիական աստղածաղիկը (A. alpinus L.), որի բարձրությունը հասնու՛մ է 40— 50 սմ-ի։ Ծաղկում է հունիս ամսից։ Սրա այլ տեսակներից են A. a. superbus Hort. և A. Fremoti Gray-ն, որոնք ծաղկում են մանուշակագույն, նուրբ ծաղիկներով։
A. pereginus Persch. տեսակը ծաղկում է ամառվա ընթացքում հունիս-հուլիս ամիսներին։ Բարձրությունը հասնում է 20—60 սմ֊ի։ Ծաղիկները մանուշակագույն և նարնջագույն են, դեղին միջուկով։ Աստղածաղիկը հողի նկատմամբ պահանջկոտ չԷ, սակայն լավ է աճում սննդանյութերով հարուստ կավաավազային թեթև հողերում։ Պահանջում է առատ ոռոգում, լուսասեր է։ Լավ է ծաղկում արևոտ հողամասերում։ Բազմանում է սերմերով, թփի բաժանումով, իսկ գարնանը նաև կտրոններով։ Դեկորատիվ ծաղկեգործության մեջ օգտագործվում է ծաղկային խմբավորումներում, գազոններում ղևանդներում, միքսբորդերներում և եզրագծերում։ Մշակվում Է նաև կտրած ծաղիկներ ստանալու նպատակով։ Հիմալայան լեռներում վայրի վիճակում աճում է A․ subcoeruleus T. Moore աստղածաղիկը, որի ծաղիկները երկնագույն են։ Այս տեսակը մշակության մեջ առաջին անգամ երևան է եկել Միացյալ նահանգներում Նյու-Յորքի շրջակայքում։ Դրա կուլտուրական ձևը, որը ծաղկում է օգոստոս-սեպտեմբեր ամիսներին, ունի արտասովոր, խոշոր, մինչև 9 սմ տրամագծով երկնագույն ծաղիկներ, փոքրիկ նարնջագուլն միջուկով։ Ներկայումս մշակվող աստղածաղիկների մեջ այս տեսակը լավագույններից մեկն է համարվում։ Մշակվում է ծաղկային ձևավորումներում և կտրած ծաղիկներ ստանալու նպատակով։
Քանի որ բազմամյա աստղածաղիկները շատ շուտ են ուժասպառ անում հողը, ուստի խորհուրդ է տրվում երեք տարին մեկ անգամ բույսը տեղափոխել կամ հաճախակի օժանդակ սնուցում կատարել։ Բույսը տեղափոխելու ընթացքում կարելի է կատարել նաև բազմացում թփի բաժանման միջոցով։