Պեկինյան ցեղ: Ձևավորվել է Չինաստանում, մոտավորապես 300 տարի առաջ սակայն կատարելագործվել է ԱՍՆ-ում, որտեղ նպատակային ընտրության շնորհիվ բադերը ձեռք են բերել մսային լավազույն հատկություններ և ստացել լայն տարածում։ Պեկինյան ցեղի բադերն ունեն լայն, երկար իրան, կուրծքը լայն և ուռուցիկ, գլուխը մեծ և լայն, ուռուցիկ ճակատով, կտուցը նարնջադեղնագույն է միջին մեծության, պարանոցը միջին երկարության և վերին մասում որոշ ծռվսածությամբ, մեջքը լայն և թևերը ոչ մեծ, ամուր, իրանին հպված, ոտքերը հաստ են կարմրանարնջագույն, փետրածածկը սպիտակ, դեղնավուն երանգով։ Արուների կենդանի զանգվածը կազմում է 3.5-4.0 կգ․ էգերինը՝ 3.0-3.5 կգ։ Ձվատվությունը կազմում է 100-120 ձու, ձվի զանգվածը 85 գ։ Ցեղն օժտված է բարձր կենսունակությամբ և աճի արագությամբ: Լավ կերակրման պայմաններում բադիկները 50 օրականում ունենում են 2․5-3․0 կգ․ կենդանի զանգված: Միսը լավ որակի է։ Պեկինյան ցեղը հատկապես օգտագործում են մսի արտադրության արդյունաբերական տեխնոլոգիայում։

Մուշկային բադերը։ Ցեղն ստեղծվել է Հարավային Ամերիկայում, վայրի բադերի ընտանեցման և նպատակային սելեկցիայի միջոցով: Հայաստան է ներմուծվել 1960-1970 թվականներին: Փետրածածկը սև Է, փայլուն կանաչ երանգով: Ցեղն աչքի Է ընկնում խոշորությամբ, արուների կենդանի գանգվածը կազմում է 6.0 կգ․ էգերինը՝ 3 կգ։ Ձվատվությունը՝ 80-120 ձու, ձվի գանգվածը՝ 70 գ, ցեղի ճտահանությունը տևում է 34-36 օր: