ԳԵՏՆԱՍՏՂ - ЯСМЕННИК ПАХУЧЫЙ

Բազմամյա խոտաբույս է, պատկանում է տորոնազգիների ընտանիքին: Ցողունն ուղղաձիգ է, քառակող, չճյուղավորվող: Տերևները դասավորված են` վերևներինը 3-ական, իսկ ներքևինները` 6-ական: Տերևները սրածայր են հիմքի մասում թեթև սեղմված: Շաղիկները մանր են, սպիտակ, դասավորված են ոչ մեծ խմբերով ցողունի ծայրին: Պտուղը չոր է, բացվելիս կիսվում է երկու մասի: Գետնաստղը ծաղկում է ապրիլ-մայիս ամիսներին:
Քիմիական բաղադրությունը: Թարմ բույսը պարունակում է կումարինային գլիկոզիդ (չորացնելիս անջատվում է կումարին): Պարունակում է նաև դառը նյութեր և տանիններ:
Օգտագործմաս եղանակները: Բժշկության մեջ օգտագործվել է բույսի վերգետնյա մասը` ծաղկելուց առաջ ու չորացած վիճակում: Բուլղարական բժշկության մեջ գետնաստղն օգտագործում են աղիքային խիթքի, անքնության, հիստերիկ ընկնավորության, լյարդի բորբոքումների, միզաքարային հիվանդության, մաշկային ցաների բուժման համար:
Հայկական բժշկության մեջ օգտագործել են անքնության, աղիքային խիթքի, հիստերիկ ընկնավորության, լյարդի վարակիչ հիվանդությունների, լեղաքարային և միզաքարային հիվանդությունների, միզակապության, մաշկի արյունային ուռուցքների և մազարմատների բորբոքումների բուժման նպատակով:
1. Վերցնել 20 գ գետնաստղի չորացած զանգված, ավելացնել 250 գ սառը ջուր, թողնել 3 ժամ, որից հետո քամել և օրը 3 անգամ 100-ական գ խմել` անքնության, աղիքային խիթքի, հիստերիայի, լյարդի վարակիչ հիվանդությունների, լեղաքարային և միզաքարային հիանդությունների, միզակապության բուժման համար:
2. Գետնաստղի թարմ զանգվածը խաշել, քամել և այդ թուրմով թրջոցներ դնել մաշկային ցաներին, մաշկի արյունային ուռուցքների և մազարմատների բորբոքումներին: