ԱՄՐԵՆԻ (ՈՍԿԵՇԻՎ) - SOLIDAGO - ЗОЛОТАРНИК

Պատկանում է բարդածաղկավորների ընտանիքին։ Բազմամյա է, մեր պայմաններում առանց ծածկույթի ձմեռում է բաց գրունտում։ Տարբեր տեսակների բարձրությունը տատանվում է 0,4—2.0 մ-ի սահմաններում։ Մշակության մեջ գլխավորապես տարածված է կանադական ամբենին (S. canadensis L.), որի բարձրությունը հասնում է 1,0—2.0 մ-ի, ծաղիկները շատ մանր են, միասին խմբված կազմում են հուրանավոր ծաղկաբույլեր, որոնք կտրված վիճակում ջրի մեջ դիմանում են 10 - 14 օր։ Ծաղկում է հուլիս-օգոստոս ամիսներին։ Ծաղիկը մեղրատու է, ունի թեթև բուրմունք։ Բույսը լուսասեր է, պետք է տնկել արևոտ հողամարսերում, սննդանյութերով հարուստ, բերրի հողերում, բույսը բույսից 0,6 - 1,0 մ հեռավորության վրա։ Պահանջում է չափավոր ոռոգում։ Մշակության մեջ հաճախ հանդիպում է նաև Շորտի ամրենին (S. Schortii Hort.), որի բարձրությունը հաանտւմ է 160 սմ-ի։ Ծաղկում է դեղնագույն ծաղիկներով հուլիս ամսից։ Ծաղկաբույլերը խոշոր են, հուրանավոր։ Սովորական ամրենու կարճահասակ այլ տեսակը (S. virgaurea nana L.) նույնպես հաճախ Է հանդիպում։ Բարձրությունը հասնում Է 40 սմ-ի, ծաղկում է հունիս-հուլիս ամիսներին, դեղնականաչ ծաղիկներով։ Թե՝ երկրորդ և թե՝ երրորդ տեսակների ծաղիկները նույնպես մեղրատու են և արձակում են թեթև բուրմունք։ Բազմացվում է թփերի բաժանումով վաղ գարնանը, 3 — 4 տարին մեկ անգամ, քանի որ թփի ուժեղ աճման հետևանքով հողը ուժասպառ է լինում։ Հեշտությամբ բազմանում է նաև կտրոններով ու սերմերով։ Կտրոններով բազմացվում է նույն ձևով, ինչպես բոցենին։ Սերմերով բազմացնելիս ցանքը անհրաժեշտ է կատարել վաղ գարնանը, ջերմատներում կավաթասերի մեջ։ Սերմերը շատ մանր են, ուստի անհրաժեշտ է դրանք ծածկել խիստ բարակ ավազաշերտով և ջրել միայն կավաթասը մինջև շուրթերը իջեցնելով ջրի մեջ։ Օգտագործվում է զբոսայգիներում, պուրակներում, ծաղկային զանազան ձևավորումներում, կազմելով դեկորատիվ խմբավորումներ։ Առանձնապես գեղեցիկ է մարգախոտի կանաչ ֆոնի վրա որպես առանձնյակ, ցանկապատերի մոտ, թփերի առաջ և այլն։ Մշակվում է նաև կտրած ծաղիկներ ստանալու նպատակով։