ԳԱՐԻ - ЯЧМЕНЬ

Միամյա կամ երկամյա խոտաբույս է, պատկանում է դաշտավելուկազգիների ընտանիքին: Արմատը լինում է առաջնային կամ սաղմնային, որն առաջ է գալիս սաղմից` հատիկի ծլման ընթացքում: Հիմնական կամ երկրորդային արմատներն առաջանում են ավելի ուշ` բույսի թփակալման հանգույցներից: Գարու ցողունը գլանաձև է, սնամեջ, ուղղաձիգ, կազմված է հանգույցներից և միջհանգույցներից: Յուրաքանչյուր հանգույցից առաջանում է մեկ տերև: Ծաղկափթթությունը հասկ է, որի առանցքը ծնկաձև է և կազմում է ցողունի շարունակությունը: Ծնկաձև ելուններում նստած են հասկիկները:
Քիմիական բաղադրությունը: Գարու հատիկը պարունակում է սպիտակուցներ, ածխաջրեր, ճարպեր, հանքային տարրեր, ֆերմենտներ, վիտամիններ և միկրոտարրեր:
Օգտագործման եղանակները: Բժշկության մեջ օգտագործել են բույսի սերմերը:
Հայկական բժշկության մեջ գարին օգտագործել են զարկերակային արյան ճնշման բարձրացման, աղիքների հիվանդությունների, պալարախտի, ուղեղային անոթների կարծրախտի (սկլերոզի), ստամոքսի խանգարումների, մտագարության (շիզոֆրենիայի) բուժման համար:
Գարին ուրիշ դեղաբույսերի հետ զուգակցված օգտագործել են նաև չարորակ ուռուցքները բուժելու համար:
1. Գարին գինու քացախով եռացնել, քամել, ստացված պատրաստուկով գլուխը թրջել` գլխուղեղի անոթների կարծրախտը բուժելու համար:
2. 1 կգ գարու վրա ավելացնել 3 լ եռւսցրած ջուր, բերանը փակել և թողնել 12 ժամ, հետո քամել և օրը 3 անգամ 150-ական գ խմել անոթային կարծրախտի ու զարկերակային արյան բարձր ճնշումը բուժելու համար:
3. 200 գ գարին 20 գ մատատուկի հետ միասին եփել և օրը 3 անգամ 100-ական գ ուտել` շնչառական օրգանների բորբոքումների և պալարախտի բուժման համար. 4. Գարու կեղևը թթու և քաղցր նռան հյութով շաղախել և օրը 3 անգամ 1-ական ճաշի գդալ ուտել` ստամոքսի բորբոքումների, փսխման, սրտխառնոցի բուժման համար:
5. Գարին այրել, մոխիրը խառնել աղի հետ և ատամները մաքրել:
6. Անկեղև գարու ալյուրը կիսաեփ անել, քսել մելամաղձությամբ հիվանդների գլխին:
7. Անկեղև գարու ալյուրը կաթով եփել, խյուս պատրաստել, ձիթա- պտղի ձեթ խառնել ու յոթ օր, վաղ առավոտյան գոլ վիճակում խմել` մտագարության (շիզոֆրենիա), երիկամների բորբոքային հիվանդության բուժման համար:
8. 1 կգ գարու վրա ավելացնել 7լ ջուր, դնել կրակին և եռացնել մինչև մնա 2 լ, հետո քամել և օրը 2 անգամ 150-ական գ խմել` զարկերակային արյան բարձր ճնշումը բուժելու համար: