Հնդկահավերի ցեղեր - Индейки

Սպիտակ լայնակուրծք ցեղ։Ստեղծվել է ԱՄՆ-ում և լայն տարածվել տարբեր երկրներում: Թռչունը բնութագրվում է վաղահասությամբ և ցայտուն արտահայտված մսային ձևերով։ Գոյություն ունի ներցեղային երեք տիպ, որոնք բնութագրվում են կենդանի զանգվածի և մթերատվության տարբեր ցուցանիշներով: Արուները կշռում են 8-25 կգ, էգերը՝ 4.5-11 կգ։ Ձվատվությունը տատանվում է 40-100 ձվի սահմաններում, բեղմնավորվածությունը կազմում է 85-95%, ճտահանությունը՝ 60-75%, սպանդային ելունքը՝ 84%, կրծքի մկանները կազմում են կենդանի զանգվածի 23%-ը:

Բրոնզագույն լայնակուրծք ցեղ։ Ստեղծվել է ԱՄՆ-ում, բրոնզագույն հնդկահավերին, հատկապես ըստ կրծքի լայնության, ընտրասերելու միջոցով: Խոշոր ցեղ է, արուները կշռում են 16-20 կգ․ (ռեկորդը 35 կգ), էգերը՝ 8-11 կգ: Հնդկահավիկների զանգվածը 3 ամսականում կազմում է 4․0 - 4․5 կգ: Մեկ կգ քաշաճին ծախսում են 2 կգ համակցված կեր, սպանդային ելունքը՝ 89% է ձվատվությունը՝ 70-90 ձու:

Հյուսիսկովկասյան սպիտակ ցեղ: Ստեղծվել է հնդկահավերի ամերիկյան լայանկուրծք սպիտակ և հյուսիսկովկասյան բրոնզագույն ցեղերի խաչասերմամբ: Հյուսիսկովկասյան սպիտակ ցեղին բնորոշ է բարձր ձվատվությունը, որը կազմում Է 170-180 ձու: Հնդկահավերն օժտված են բարձր կենսունակությամբ, աճի մեծ տեմպով և 120 օրականում ունենում են 4․0-6.5 կգ կենդանի զանգված մեկ կգ քաշաճին ծախսում են 4.5 կգ խտացրած կեր։