ԲԱԿԼԱ - БОБЫ

Բակլան միամյա խոտաբույս է, պատկանում է բակլազգիների ընտանիքին: Արմատն առանցքային է, իլիկաձև, թափանցում է հողի մեջ մինչև մեկ մետր խորությամբ: Բակլան ուժեղ ճյուղավորվող է, ցողունը քառակող է, մերկ, սնամեջ, հաստ, կանգուն, ունենում է 50-200 սմ բարձրություն: Հիմքից ճյուղավորվում է: Տերևները փետրաձև են, ներքին մասում երկու զույգ, վերին մասում` երեքից չորս զույգ տերևիկներ: Տերևիկները մերկ են և լինում են լայն կամ երկարավուն, եզրերը մեծ մասամբ ամբողջական են, երբեմն լինում են նաև ատամնաձև, կանաչ կամ մոխրականաչ գույնի: Ծաղկափթթությունը կարճ ողկույզ է, կազմված 2-5, երբեմն էլ 10-15 ծաղիկներից: Տաղիկները խոշոր են, որոնք սովորաբար լինում են սււյիտակ, իսկ թիակների վրա կրում են շագանակագույն կամ սև բծեր: Սերմնապտուղն ունի 4-20 սմ երկարություն, նեղ է, գորշագույն, մակերեսը կնճռոտված է, մերկ, որոշ տե-սակների մոտ` խիստ թավոտ: Սերմերը լինում են` ձվաձև, անկյունավոր, երիկամաձև և այլն:
Քիմիական բաղադրությունը: Ցողունը պարունակում է սպիտակուցներ, ճարպեր: Սերմը պարունակում է սպիտակուցներ, միկրոտարրեր:
Օգտագործման եղանակը: Բժշկության մեջ օգտագործել են բակլայի ծաղիկներն ու սերմերը: Հայկական բժշկության մեջ բակլան օգտագործել են արյունախխման, հարբուխի, կոպերի բորբոքումների, կրծքագեղձի բորբոքային ուռուցքների, կրծքավանդակի ցավերի, ստամոքսաղիքային ուղու բորբոքումների, սննդախանգար խոցերի, փոշտի ուռուցքների, անոթային ուռուցքների, սպիտակ բծերի, հոդացավերի, օրգանիզմի տոնուսի ցածրացման, կրկնվող լուծի և ստա-մոքսաղիքային ուղում եղած խոցերի բուժման համար:
1. Բակլայի ալյուրը նշի ձեթով շաղախել և օրը 3 անգամ 1-ական ճաշի գդալ ուտել` կրկնվող բրոնխիտի բուժման համար:
2. Բակլայի ալյուրը վարդի յուղով շաղախել և քսել կոպերին` բորբոքումը բուժելու համար:
3. Բակլայի ալյուրը դդմիկի մզվածքով շաղւսխել և քսել ցավոտ հոդերին:
4. Բակլայի մզվածքով դեմքը լվանալ` մաշկի բծերի, կոպերի բորբոքումների բուժման համար:
5. Բակլայի ծաղիկներն աղալ և օրը 3 անգամ 1 թեյի գդալ ուտել` արյունախխման, կրծքավանդակի ցավերի բուժման համար:
6. Բակլան գինու քացախով եփել և օրը 3 անգամ 1 թեյի գդալ ուտել` աղեստամոքսային ուղու ցավերի և բորբոքումների բուժման համար:
7. Բակլայի ալյուրին մի փոքր շաքար խառնել, նշի ձեթով շաղախել և քսել կրծքագեղձի բորբոքային ուռուցքներին, չարորակ ուռուցքներին:
8. Ջրի մեջ աճող բակլայի արմատն անցկացնել մսաղացով, նշի ձեթով շաղախել և օրը 3 անգամ 1-ական ճաշի գդալ ուտել` ստամոքսաղիքային ուղում եղած խոցերի, բորբոքումների և լուծի բուժման համար:
9. Ջրի մեջ աճող բակլայի ծաղիկներն անցկացնել մսաղացով, քամել ե մզվածքի մեջ մտցնել երկու բարակ կտոր կապար, շփել մի փոքր, այնուհետև այդ լուծույթով մազերը լվանալ` մազարմատների բորբոքային հիվանդությունների բուժման համար:
10.Բակլայի ալյուրը կարագով, ձվի դեղնուցով, աղացած թարմ կորնգանով շաղախել և քսել ձվարանների և արյունատար անոթների ուռուցքների, սննդախանգար խոցերի, մաշկի սպիտակ բծերի վրա` դրանց բուժման համար:
Վերը նշված պատրաստուկը մեր կողմից օգտագործվել է և տվել դրական արդյունք: