ՄԵԴԵՈԼԱ - MEDEOLA - МЕДЕОЛА

Պատկանում է շուշանազգիների ընտանիքին։ Մեդեոլան (M. asparagoides Willd.) իր արմատների վրա կրում է փոքրիկ պալարիկների նման կոճղարմատներ, որոնք շատ նման են ծնեբեկ շպրենգերիի պալարիկներին։ Սենյակային պայմաններում օգտագործվում է ոըպես փաթաթվող բույս։ Ցողունների երկարությունը հասնում է մի քանի մետրի։ Տերևները համեմատաբար ավելի խոշոր են, քան նշված ծնեբեկինը։ Արձակում են դուրեկան բուրմունք։ Մեդեոլան բազմանում է սերմերով և կոճղարմատներով։ Ցանքը կատարվում Է Հունվար-փետրվար ամիսներին ջերմատներում, կավաթասերի մեջ։ Չնայած, որ սերմերը շատ ամուր են, այնուամենայնիվ 20—25° ջերմության պայմաններում ծլում են 14—15 օրվա ընթացքում։
Ծլած բուսակները սկզբում պետք Է նախասածիլել (մեկական հատ) 5—6 սմ թաղարների մեջ, որից հետո տեղափոխել 10—11 սմ֊ի մեջ, վերջում պետք Է վերատընկել 15 սմ թաղարների մեջ, հետևյալ հողախառնուրդում տերևահող 2 մաս, այգու կամ բանջարանոցային հող 2 մաս, ճմահող 1 մաս և ավազ 7 մաս։ Սենյակային պայմաններում ամառ ժամանակ բույսերը պետք է փոխադրել պատշգամբ, արևի անմիջական ճառագայթներից հեռու։ Ջուրը տրվում է առատ և օրական մի քանի անգամ։ Աշնանը տերևաթափից հետտո բույսերը թաղարներով պետք է փոխադրել նկուղ ու պահել ավազաշերտի մեջ 0~5° ջերմության պայմաններում։
Գարնանը բույսերը փոխադրելով բնակարան, պետք է վերատնկել նույն չափի թաղարների մեջ, տալով թարմ, նոր պատրաստված հող այդ ժամանակ կատարվում է նաև կոճղարմատների բաժանում՝վեգետատիվ բազմացում։ Բույսերի երկար ցողունները նախօրոք կապված լարաններին փաթաթվելով (Լուսամուտների կողեր և այլն) ստեղծում են կենդանի դրասանգներ (գիրլյանդ)։