Պատկանում է բարդածաղկավորների ընտանիքին։ Դեկորատիվ ծաղկեգործության մեջ օգտագործվում է մերձծովյան հալևորուկը (С. maritima L.)։ Բույսի բարձրությունը հասնում է 35—40 սմ։ Ամբողջ բույսը ծածկված է սպիտակ, արծաթավուն թավով, տերևները երկարավուն են, խորը կտրտված տերևաթիթեղով։ Բազմամյա բույս է, սակայն ծաղկային ձևավոթումներում օգտագործվում է որպես միամյա, որովհետև առաջին տարում բույսը գեղեցիկ է և 15 սմ֊ից ավել չի բարձրանում, իսկ երկրորդ տարում կորցնում է իր դեկորատիվ տեսքը։
Օգտագործվում է գորգային ձևավորումներում, մեծ մասամբ եզրագծերի համար, երբեմն նաև փոքր խմբավորումներում։ Շատ լավ է տանում խուզումը։ Տնկումը կատարվում է արևոտ հողամասերում, բույսը բույսից 10 սմ հեռավորության վրա։ Կիսաստվերում տերևների գույնը խամրում է։ Գլխավորապես մշակվում է սպիտակ, պայծառ ձևը (C. mar Diamant), որը մեր կլիմայական պայմաններում լավ է ձմեռում։
Բազմացվում է սեղմերով, եր֊բեմն նաև կտրոններով։ Ցանքը ջերմատներում կատարվում է հունվար - փետրվար ամիսներին, ցանքարկղերի մեջ, ցանքի համար նախատեսված սովորական հողում։ Ծլում է 7—10 օրվա ընթացքում։ Ծլունակուկթյունը պահպանվում է 3—4 տարի։ Մեկ գրամ սերմում պարունակվում է մոտավորապես 7000 հատիկ։ Խախասածիլումը կատարվում է արկղերի մեջ, որտեղից և փոխադրվում է ծաղկանոց։