Դժնազգիների ընտանիքին պատկանող բազմամյա ծառ է կամ թուփ` ծածկված երկար, կեռ փշերով: Տերևները դասավորված են հակադիր, կոթունավոր են, էլիպսաձև, կտրտված եզրերով, երեք զույգ երկրորդային ջղերով: Շաղիկները մանր են, կանաչավուն, միասեռ, երկտնանի, փնջերով հավաքված տերևածոցերում: Բաժակը զանգակաձև է, չորս սրածայր թերթիկներից կազմվածդ պսակը քառաթերթ է:
Պսակաթերթերը երկու անգամ կարճ են բաժակաթերթերից, թեքված են ներս: Արական ծաղիկներն ունեն չորս առէջ, իսկ իգականները` մեկ վարսանդ: Պտուղները հյութալի են, սև, 3-4 կորիզով: Ծաղկում է մայիս-հունիս ամիսներին, պտուղները հասունանում են օգոստոս-սեպտեմբեր ամիսներին:
Քիմիական բաղադրությունը: Պտուղները պարունակում են գլյուկոզիդներ, ներկանյութեր, ֆլավոնոիդներ` կվերցիտին, կեմպֆերոլ, ռամենտին, քսանտոռամենտին և ոոմնսսցիտրին: Արմատները պարունակում են ֆլավոնոիդներ, ինչպես նաև խրիզոֆոնաթթու: Տերևները պարունակում են ասկորբինաթթու:
Օգտագործման եղանակները:Բժշկության մեջ օգտագործում են հասած պտուղները և արմատը:
Բուլղարական բժշկության մեջ դժնիկն օգտագործել են քրոնիկ փորկապության և աղիքային թուլության (ատոնիայի) բուժման համար: Հայկական բժշկության մեջ դժնիկն օգտագործել են փորկապության, հոտի, զգացողության կորստի, միզակապության, նյարդացավու- թյան, խոցերի, անդամալուծության և ջրգողության բուժման համար:
1. 10 գ դժնիկի պտուղները ճզմել, վրան ավելացնել 250 գ եռացրած ջուր, թողնել 8 ժամ և օրը 2 անգամ 125 գ խմել` քրոնիկ փորկապությունը բուժելու համար: Այդ նույն հիվանդությունների դեպքում օգտակար է նաև առավոտյան քաղցած ժամանակ ուտել 10-15 հատ թարմ պտուղ:
2. 50 գ դժնիկի արմատը 1 լ գինու մեջ եփել, քամել և ստացված հեղուկից օրը 3 անգամ 1-ական ճաշի գդալ խմել` միզակապության, նյարդացավության, ջրգողության, անդամալուծության և մարսողական ուղիների խոցերի բուժման համար: Իսկ կորցրած հոտի զգացողությունը վերականգնելու համար այդ նույն եփուկից օրը 2 անգամ 3 կաթիլ կաթեցնել քթանցքների մեջ: