Ձիաձետը բսւզմամյա. մասնատված, կանոնավոր հաջորդականթյուն ունեցող հանգույցներով խոտաբույս է, պատկանում է ձիաձետազգիների ընտանիքին: Հանգույցների արանքներից աճում է բույսի վերգետնյա մասը` բազմացող սպորներով: Երկար կոճղարմատից ամեն գարնան դուրս է գալիս առանց քլորոֆիլի, մուգ դարչնագույն չճյուղավորված ցողունը, որի ծայրին գտնվում է սպորակիր հասկը: Վերջինս կազմված է բազմաթիվ սպորակիր վահանիկներից, հասկի առանցքին ամրացված կենտրոնական ոտիկով, որի շուրջը դասավորված են 6-12 սպորանոթներ: Սպորները թափվելուց հետո սպորակիր ցողունը մահանում Է: Նույն կոճղարմատից ամռանն առաջանամ է, մինչև 50-60 սմ-ի հասնող, ուժեղ ճյուղավորված նոր ցողուն: Ցողունը և ճյուղերը երկարությամբ ունեն ակոսներ` ամուր, անհարթ, ճկուն և սնամեջ: Ցողունի հանգույցներում դասավորված են տերևները: Ամեն մի հանգույցներում կա 6-12 թեփուկավոր տերև, որոնք ներաճման պատճառով հանգույցներում առաջացնում են թևնոցներ: Սպորակիր ցողունը աճում է և սպորը հասունանում է գարնանը:
Քիմիական բաղադրությունը: Ձիաձետը պարունակում է սիլիկատներ, սապոնին, էկվիզետոնին, դառը նյութեր, ալկալոիդի հետքեր, խեժանյութերը, ճարպ, ակոնիտաթթու, խնձորաթթու, ասկորբինաթթու:
Օգտագործման եղանակը: Բժշկության մեջ օգտագործում են ձիաձետի կանաչ ճյուղավորված ցողունը: Ռուսական բժշկության մեջ ձիաձետն օգտագործել են կրկնվող սրտային անբավարարության (սա ընթանում է այտուցներով), միզապարկի բորբոքումների, արգանդի արյունահոսության բուժման համար: Բուլղարական բժշկության մեջ ձիաձետն օգտագործել են պալարախտի, քթի արյունահոսության, ձգձգվող վերքերի, բերանի խոռոչի բորբոքումների բուժման համար: Հայկական բժշկության մեջ ձիաձետն օգտագործել են պալարախտի, միզաքարային հիվանդության, թութքի, նստանյարդի բորբոքման, արյունախխման, զարկերակային արյան ճնշման բարձրացման, հոդատապի, անոթային կարծրախտի, թարախակալված վերքերի, սննդախանգար խոցերի բուժման համար: Ձիաձետի կանաչ ցողունն աղալ, քամել, 100 գ մզվածքին ավելացնել 1 թեյի գդալ մեղր և օրը 3 անգամ 1-ական ճաշի գդալ խմել արյունախխման, պալարախտի, միզաքարային հիվանդության, թութքի, զարկերակային արյան ճնշման բարձրացման, անոթային կարծրախտի, հոդատապի բուժման համար: Մզվածքը շրջոցների ձևով կարելի է օգտագործել թարախակալված վերքերի և սննդախանգար խոցերի բուժման համար:
