Օրոճ - Дрок

Բավականին խոշոր, խիստ ճյուղավորված կիսաթուփ է կամ թուփ, պատկանում է թիթեռնածաղկավորների ընտանիքին։ Օրոճի տերևների վրա լավ երևում են կողային ջղերը։ Ծաղիկներըը միջին չափի են՝ հավաքված ավելանման ողկույզում։ Մի քանի ողկույզներ միասին կազմում են ավելը։ Բաժակը կազմված է հինգ բաժակաթերթիկներից, միակցված, երկշերթանի։ Վերին շուրթին ունի երկու ատամիկ, ներքևինը՝ երեք։ Պսակը հնգաթև է։ Առէջները տաս հատ են։ Ծաղկում է ամռան սկզբին։

Քիմիական բաղադրությունը։ Սերմերը պարունակում են ալկոհոլիդներ, ցիտինգ, գենիստեին և մեթիլցիատիզին։ Տերևները և ծաղիկները պարունակում են ֆլավոնային գլիկոզ՝ լյուտեոլին։

Օգտագործման եղանակները։ Բժշկության մեջ օգտագործել են բույսի վերգետնյա մասը՝ ծաղկման շրջանում։

Բուլղարական բժշկության մեջ օրոճն օգտագործել են սրտապարկի ջրգողության, երիկամների և միզապարկի բորբոքումների, թութքի, լյարդի բորբոքումների, փորկապության բուժման համար։

Հայկական բժշկության մեջ օրոճն օգտագործել են ջրգողության, կրծքահեղձուկի, սրտամկանի ջրգողության, երիկամների և միզապարկի բորբոքումների բուժման համար։

10 գ․ օրոճի վերգետնյա մասն աղալ, վրան ավելացնել 300 մլ․եռացրած ջուր, թողնել 6 ժամ, քամել և օրը 3 անգամ 100-ական գրամ խմել՝ սրտապարկի ջրգողության, լյարդի, երիկամների և միզապարկի բորբոքումների, փորկապության, թութքի բուժման համար։