Պատկանում է բարդածաղկավորների (Compositae) ընտանիքին։ Վայրի վիճակում հանդիպում Է Կովկասում, Իրանում և Միջին Ասիայում։ Երիցուկը (P. roseum Bieb.) բազմամյա, նրբագեղ բույս է, որի բարձրությունը հասնում է 40—80 սմ-ի։ Ցողունները ճյուղավոր են կամ առանց ճյուղերի, փետրաձև կտրտված տերևներով։ Ունի հասարակ կամ լիաթերթ ծաղիկներ 5—10 սմ տրամագծով։ Ծաղկի պսակաթերթիկները լինում են խողովակաձև կամ լեզվակավոր, սպիտակ, վարդագույն կամ կարմիր։ Թուփը մեր պայմաններում լավ ձմեռում է բաց գրունտում։
Պարտեզային հիբրիդ ձևերից աչքի են ընկնում P. r. h. grandiflorum-ը և P. roseum hybridum fl. pleno-ն: Երկու բույսերն էլ ունեն 80 սմ բարձրություն: Այդ բույսերի լիաթերթ ծաղիկները շատ նման են միջին մեծություն ունեցող չինական աստղածաղկին։ Ծաղկում են մայիս ամսին։ Ծաղկումր դադարելուց հետո անհրաժեշտ է ծաղկաբույլերը կտրել-հեռացնել չթողնելով որպեսզի դրանք սերմնակալեն, որպեսզի բույսը ամառվա ընթացքում հնարավորություն ունենա երկրորդ անգամ ծաղկեղու։
Երիցուկը ծաղկային ձևավորումներում օգտագործվում Է միքսբորդերներում, զանազան դեկորատիվ խմբավորումներում, որպես առանձնյակ (սոլիտեր) մարգախոտի ֆոնի վրա և այլն, ինչպես նաև ծաղկեփնջերի համար կտրած ծաղիկներ ստանալու նպատակով։ Գծային ձևավորումներում, եզրաշերտերի համար օգտագործվում Է ցածրահասակ 40— 45 սմ բարձրություն ունեցող այլ տեսակը։
Բազմացվում Է թփիկի բաժանումով, արմատածիլերով և սերմերով։ Լիաթերթ ծաղկավոր այլ տեսակները բազմանում են միայն վաղ գարնանը թփիկի բաժանումով, 4—5 տարին մեկ անգամ։ Սերմերով բազմացման դեպքում ցանքը կարելի Է կատարել ջերմատներում և ջերմոցներում վաղ գարնանը, իսկ բաց գրունտում` մարգերի մեջ և գարնանը, և աշնանը։ Սերմերը ծլում են 10—12 օրում, ծլունակությունը պահպանում են 2—3 տարի։ Դրանք փոքր են, սեպաձև, գորշ դարչնագույն։ Խոշորածաղիկ երիցուկների մեկ գրամ սերմը պարունակում Է մոտավորապես 700 սերմնահատիկ։ Բույսերր անհրաժեշտ Է տնկել արևոտ հողամասերում, չնայած որ վատ չի աճում նաև կիսաստվերում։ Պահանջում Է սննդանյութերով հարուստ, բերրի հողեր։ Բույսը-բույսից պետք Է տնկել 25—30 սմ հեռավորության վրա: Ոռոգումը անհրաժեշտ Է տալ չափավոր։